عرض مشاركة واحدة
  #3  
قديم 07-08-2009, 02:58 AM
الصورة الرمزية حازم شاهين
حازم شاهين حازم شاهين غير متواجد حالياً

من انا؟: متسامح و حسن النية
التخصص العملى: محاسب
 
تاريخ التسجيل: May 2009
الموقع: بورسعيد
المشاركات: 3,739
حازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond repute
افتراضي رد: تيجو الاوتوماتيك(ميزاتها وعيوبها)

السعر هو ميزة التيجو<?xml:namespace prefix = o ns = "urn:schemas-microsoft-comfficeffice" /><o:p></o:p>
الحقيقة لا ترقى لمستوى الوعود<o:p></o:p>
<o:p></o:p>
وفرت التيجو مساحة لخمسة بالغين و 900 ليتر للأمتعة لكن هناك شكوك حول الأداء و الجودة<o:p></o:p>
فيه حاجات بتاخد سمعة جامدة قوى أكتر مما تستحق زى التيجو إللى قدرت تتفوق على المنافسين (تويوتا راف 4 و فيتارا و إكستريل ) من ناحية السعر، و شكلها جنبهم مش بطال ما يلحسش العقل صحيح لكن مبهج و حديث ، لكن زى حاجات كتير الحقيقة لا ترقى للتوقعات .<o:p></o:p>
أعترف إن بسبب الكساد إللى عامل زى الكلب السعران بيكون السعر عامل مهم و ده اللى تميزت بيه التيجو و بسعرها اللى أقل من كل المنافسين(200 ألف راند) ناس كتير هيبقو مبسوطين بالوفرة فى الرفاهية اللى بتديهالهم بالرغم من عيوبها، و لما يكون السعر هو العامل المؤثر فالتيجو هتحقق نجاح.<o:p></o:p>
<o:p></o:p>
شيرى زى أى مصنع سيارات صينى بيلعب على حتة السعر و بالتيجو هتبهدل السوق بس على حساب الجودة<o:p></o:p>
و بالرغم من إنها أنيقة و عملية لكن جودة التصنيع بتاعتها زى جودة العربيات الكورى من عشرين سنة<o:p></o:p>
التابلوة بتاعها أنيق و عملى و مساحته كبيرة و خامتة محملة ، و الصالون وسعه محترم و فيه أماكن تخزين بالهبل زى الأدراج بين الكرراسى الأمامية و درج التابلوه و الجيوب االلى فى الأبواب و الجيوب اللى فى ظهر الكراسى الأمامية و أماكن لوضع الأشياء المختلفة ، لكن الغريب على عربية بالسعر ده إن مافيهاش ساعة صحيح دى حاجه عبيطة بس تضايق و تفكرك بالعربيات الكورى أول ما نزلت<o:p></o:p>
<o:p></o:p>
التيجو ممكن تستوعب ما حجمة 827 ليتر من الأمتعة لو الكرسى الخلفى منصوب و لو مقفول بتوصل سعتها ل 1935 ليتر ده غير الشبكة الرياضية اللى بتزود سعة الأمتعة ، الصالون بيوفر مساحة محترمة راس و رجلين الركاب قدام أو ورا ، و رغم إن عجلة القيادة بيتعدل بعدها بس و مش إرتفاعها لكن ده بيقدر يريح معظم السائقين. و على الرغم إن الكراسى بيتعدل أوضاعها يدويا لكننا لقينا إن سهل أوى إن الواحد يوصل للوضع المريح له<o:p></o:p>
<o:p></o:p>
المقاعد الجلد و السى دى و الزجاج الكهربى بتخلى الواحد مرتاح لكن الخلل إللى فى التكييف و بيخلية متوجه ناحية القدمين بس بيضيع أى شعور بالإطمئنان ، ده إحنا كمان إتفاجئنا إن غطا مصباح التوقف الخلفى إتخلع لما قفلنا الشنطة ، أأأأأه يبقى فى حاجة بخصوص جودة العربية . <o:p></o:p>
باب الشنطة بيتفتح بالجنب و دة بيوفر مدخل كويس للأمتعة لكن معناه إنك متقدرش تركن قريب من الحائط و لازم تسيب مسافة كبيرة لو عايز تفتح الشنطة .<o:p></o:p>
<o:p></o:p>
سواقتها مش حلوة<o:p></o:p>
<o:p></o:p>
زى كل العربيات العالية الرؤية بتبقى أحسن ، لكن محركها 2000 سى سى بيدى قدرة 95 كيلوات بس و ده أقل من كل المنافسين و بيخلى العربية سحبها بطئ لما تيجى تطلع لكن لما تاخد سرعتها بتبقى ماشية كويس .<o:p></o:p>
التيجو مش مريحة على الطرق الوعرة و اللى بيزود االموضوع ده نشوفية العفشة إللى بيخليها متاخدش المطبات بمرونة .<o:p></o:p>
الفتيس الأتوماتيك بأربع سرعات بس و تحس إنه عالى فى التغيير، الموتور صونة بيعلى قوى علشان يوصل للغيار إللى بعدة و بالرغم من إن فيها إختيارات يدوية إلا إنها ملهاش لاومة لإن الفتيس بيغير الغيارات فى الوقت إللى هو عايزه ، و كمان الصوت العالى من الكاوتش و الموتور بيدخل للكابينة<o:p></o:p>
<o:p></o:p>
التيجو ترتفع عن الأرض 13.2 سم و ده كويس على الطرق الناعمة (و ممكن الطرق الترابية إللى فيها شوية زلط) لكن لو دفع ثنائى متفكرش فى طرق أصعب من دول .<o:p></o:p>
<o:p></o:p>
على الرغم من إن التيجو مصنفة كسيارة ترفيهية لكن مواثفاتها أساسا أقرب للعربيات الستيشن بمساحة للشنط و رؤية أفضل.<o:p></o:p>
<o:p></o:p>
الحكم<o:p></o:p>
التيجو هتجذب اللى بيحبو السيارات الترفيهية الواسعة بسعرها الرخيص لكن مش هتدى متعة فى قيادتها و محركها كسول و جودتها مشكوك فيها و ركوبها ينرفز.
رد مع اقتباس