[محمدصلاح القاضى]

الموضوع مش سهل اوووى ياجماعه زى ما احنا متصورين
كفايه اووووووى خضة البنى ادم وكمان لو معاك حد غيرك فى العربيه وخصوصا لو حريم او اطفال
بيبقى الوضع مختلف تماما
لذلك انا عندى مبدأ مختلف شويه
اما احب اعمل مشوار بالعربيه لو معايا اى حد غيرى بمشى معتدل جدااا يعنى 80 /90 بالكتير
لكن لو لوحدى ممكن امشى 140/150 عادى جداااا
ودا لانى مش عاوز اعاقب نفسى بذنب حد وافضل طول عمرى حاسس انى السبب فى حدوث عاهه لاحد

ثانيا ربنا ما يكتب الموضوع دا على حد ابدا من الموجودين
لانه فعلا صعب اما تكون راكب حاجه وتحس فى لحظه انك فقدت كامل السيطره عليها
وامامك ثلاث حلول لا رابع لهم
هو ياما تدور على حاجه نص نقل كدا تدخل فيها عشان تكون التلفيات بسيطه عند المتضرر من الحادث
وابعد تماما ونهائى عن اى عربيه جديده او تريلا وجامبو ربنا يحرسنا جميعا
او انك تاخد كام غرزه فى السريع حتى لو هتضطر لزياده سرعه العربيه رغم عدم وجود الفرامل بس على الاقل تحاول تهرب من الزحمه اللى انت فيها
او انك تدى غيار عكسى للفتيس يعنى لو ماشى خامس تسقط الغيار للثالث ترفع رجلك من على البنزين والدبرياج بسرعه وتدوس دبرياج تانى وتفصل وياسلام بقا لو العربيه مظبوطه عفشه ودركسيون ممكن بعد اما العربيه تاخد الغيار التالت تقوم رافع اقل من نص الهاند بريك العربيه هتهدى غصب عنها لو العربيه مشيت على 60 ممكن تشد الهاند 3/4 عادى جداا لتخفيف السرعه لكن على سرعه اكبر من كدا يبقى اقل من النص كفايه جدااا
وربنا يسلمنا جميعا من شر الحوادث وعواقبها