المشاركة الأصلية كتبت بواسطة صبرى خالد
السلام عليكم ورحمة الله
دى تجربتى الشخصية مع التيجو
انا اشتريت السيارة مستعملة 60 ألف كم وكانت بالنسبة ليا عربية فىها أغلب المواصفات فى السيارة اللى كانت فى بالى واسعه مريحه ثابته متينه وبدأت باستعمالها يوميا فى انهاء كل مصالحى وخصوصا وانا محامى احتاج الى سرعة الإنتقال لإنهاء مصالح الناس واهم حاجه العربيه ما تعطلش كل شويه لأنى ببساطه هسيبها مكانها وهركب تاكس المهم العربيه بهرتنى بإمكانيتها مقابل سعرها من الأخر حصل بنا غرام من نوع خاص
المهم كانت حوادثى بسيطه بسبب القياده فى الشارع المصرى اللى بتشعر فيه انك فى حلبة سيارات التصادم وكانت العربية بتستحمل وبتبهرنى
وفى يوم كنت مسافر وحصل حادث انقلبت بالعربيه 5 مرات نتيجة خطأ شخص أخر وحاولت أفادى المهم كان أول حادث ليا بعمرى كله وان حادث مميت لكن بفضل الله وحده نجيت
كنت رابط الحزام كعادتى والإير باج والمتانه الشديده للعربيه الى كانت السبب فى تحملها الصدمات عنى ولو كنت راكب اى عربيه تانيه كان بأه سقفها فى أرضيتها وكنت فى خبر تانى
بجد حصلى شيئ غريب لدرجة انى رفضة ابيع العربيه واصريت على تصليحها مهما اتكلفت
دى شهادة حق لواحد كان هيموت
والمرة الجايه هحكلكم قصة عذابى مع الغصلاح
|
حمد لله على سلامتك , اهم حاجة انك بخير الحمد لله
احب اقول بعد اكتر من 3 سنين من استعمال العربية و عمل التقرير ده, العربية تعتبر بنفس حالتها زى اول ماجبتها بالظبط و على فكرة استهلاكها للبنزين يعتبر كويس بالنسبة لعربيات تانية 1600 سي سي " على سبيل المثال استهلاكها احسن من الاوبترا و النيسان صنى موديلات 2008 لحد 2011 و ماصدفنيش حاجة زعلتنى منها الا فحاجات بسيطة فى الكهربا و الشكمان مع العلم ان انا مش منتظم فى الصيانة فى التوكيل "يعنى بروح كل 8 او 9 شهور مرة اما بغير زيت
على اى حال انا خرجت من الضمان خلاص علشان ال3 سنين عدو