المشاركة الأصلية كتبت بواسطة AlexGirl
السلام عليكم جميعا (دة اولا)
وثانيا بقي كالعادة عايزة استشارة منكم لاني بثق في رايكم وبحب اسمع من ناس مجربة
الحكاية اني حاليا بدور علي عربية مستعملة كويسة وبعد ما لفيت وفكرت قررت اني اجيب بيكانتو ان شاء الله
المبلغ اللي هجيب بيه هيكون لحد 50 الف وموديل لا يقل عن 2009 وشايفة ان انسب حاجة ليا البيكانتو فلو حد له مقترح تاني ليا ياريت يقولي حاجة كيسة ومناسبة بالامكانيات دي
وليا كذا استفسار عن البيكانتو للناس اللي جربتها
انا العربية اللي كاانت معايا كانت ماروتي وكنت بادئة بيها فياريت حد يقولي ايه الاختلاف بين الاتنين واعمل ايه كصيانة للعربية عشان عربيتي كانت ماروتي قديم فاكيد في فرق وانا عايزة احافظ عالعربية بردو
تاني حاجة عن اسعار قطع غيارها ايه نظامه وعايزالي ميزانية كام تقريبا شهريا لمصاريف العربية؟
تالت حاجة انا عايزة اجيبها مثلا موديل 2010 دي هتكون كويسة ولا فيها عيوب مثلا ولا معقولة بالنسبة للمستعمل الحديث
استهلاكها للبنزين ايه نظامه اقتصادية ولا ايهوبتتفول بنزين كام؟
العربية مثالا تتحمل يكون معايا 2 ورا وطفلين وحد قدام ولا كتير عليها ؟
ايه الاوبشنز اللي في الموديل دة بالذات ؟
وعن اعادة البيع بيكون سهل ولا ايه ؟
ولو حد يقدر يديني اول واخر العربية من عيوب ومميزات باختصار عشان متعبكمش اكتر من كدة هكون شاكرة ليه جدا
واعروني لاني جديدة اصلا في السواقة من حوالي 6 شهور بادئة واللي اتعالت معاها ماروتي قديم فايه الفرق وتنصحوني بايه
والف شكر ليكم مقدما
|
أولا العربية عند واحدة قريبتي مش معايا. بس أنا ركبتها و كنت معاها و هي بتشتري. المهم العربية جميلة و عملية و قوية. الموتور 1100 يعني بتشم البنزين. مش واسعة من ورا لكن أوسع من الماروتي طبعا و مش هتقول لأ لو ركبتي فيها 4 أشخاص كبار بردو هتلاقيها بتجري. قطع الغيار غالية نسبيا لأنها مستوردة بالكامل مش متجمعة في مصر. موديل 2010 هتكون أغلي من 50 ألف بشوية يعني مثلا 53 أو 54 حسب الحالة. و ربنا يوفقك.