رد: بتحب انهى مدرسة فى صناعة السيارات
انتوا مالكم فتحتوا الموضع كشك ليه كدة........ptmnlo123per14 5
أنا ماكنتش عاوز اشارك بس لاقيت الهيونداوية نازلين تخبيط فى حبيبى الفرنساوى الأصلى بوبptmnlo123per184
قلت أخش بقى أفتح فى اكياس الشيبسى وبكاوى اللبان يمكن تتطلعلى فيرنا ولا ماتريكس......
أخش فى الموضوع............بس بأختصار
بداية هاستبعد المدرسة الأنجليزية .......ممعناش فلوس نتفرج مش نشترى.
1- بجدارة وعن استحقاق المدرسة الألمانية ( اعتمادية - قوة - متانة - أداء - تكنولوجيا)
2- يليها مباشرة ( خبط لزق) الفرنســــــية (تكنولوجيا - تصميم - أمان - نعومة - أداء ) اعتمادية ضعيفة شوية..
وبقول لأخويا أحمد أنور فى تشبيهه
اصحي الصبح احط المفتاح في العربية ادورها اروح مشواري ارجع بيها
بس برضه عاوز أرجع سليم معافى البدن مش تريحة على الأكصدام العربية تتفلق نصين واروح انا فى داهية
3- اليابانية مدرسة اثبتت جدارتها مع احترامى لرأى المعلم بجد الاستاذ فادى لكونها فاقدة للهوية لكنها ........(اعتمادية فاقت الحد- نعومة - أداء ) وسائل الأمان بدأت تتحسن مع التكنولوجيا ولكنها لا تضاهى البتة مثيلاتها الفرنسية....التصميمات الى حد ما بدأوا يظبطوا .
4- الأيطالية مع استبعاد سيارات فيات الرياضية فيرارى وألفا ومازيراتى ولانسيا اللى منعرفش حاجة غير رؤيتهم فى المواقع والمجلات ( اعتمادية كاااااانت- قوة- متانة)
قطع الغيار فى الموديلات الحديثة ( لينيا - برافو - بونتو ) غالية جدا
والموديلات القديمة محركات عصبية ساخنة صاخبة الأداء (فرح فى الكبوت) ولا تهمد حتى تعطيل كوبرى 6 اكتوبر.....
لكن هم لهم الريادة فى مصر فى مجال السيارات ودى مش شطارة منهم......
تحضرنى حكاية قالها هيكل فى أحد الكتب لتقييم الحقبة الزمنية لعبد الناصر وتخص شركة فيات تحديدا....
ان بعد الثورة وفى أوائل الستينات قام وفد من شركة فورد الأمريكية بزيارة جمال عبد الناصر وأعضاء مجلس قيادة الثورة وذلك لأقناعهم بفتح مصنع لفورد فى مصر ويكون مركزا للشركة فى المنطقة وخلافه.
ولعلمهم ان الحكومة المصرية بصدد تصنيع سيارة مصرية ومحتاجين خبرة عالمية
فرد عبد الناصر عليهم ولم ينظر حتى للدراسات المقدمة له من قبل الوفد الأمريكى وقال لهم هل توافقون ان يكون اسم المصنع فى مصر عبد الناصر ؟ (لمحاولة اذلالهم كأمريكان)
ردوا ببساطة ان المصنع سيسمى فورد فرع مصر كسائر مصانع فورد فى الولايات....فلم يكن لفورد مصانع خارج الولايات حين ذاك..
فرفض عبد الناصر العرض المقدم منهم وتركهم فى منتهى الاهمال والفتور......
وبعدها بشهور أتى وفد من ايطاليا (فيات للسيارات) ولما سوئلوا نفس السؤال أجابوا ان لا مانع ابدا من تسمية المصنع بأى اسم وسمى المصنع نصر للسيارات على اسم المرحوم وتأسس المصنع سنة 1960
يعنى كان زمان العربيات اللى مغرقة البلد دلوقتى فورد مش فيات.....
المهم علشان ماطولش وابعد عن الموضوع........
5- المدرسة الامريكية هنعملها جمعية ونقبضهلها الأول لحل مشاكلها المادية
6- الكورى وهيونداى بالذات ( اللى فى مصر) فقدت اهم مواصفاتها وهى رخص سعرها فأصبحت من أغلى السيارات
فى السوق المصرى على أساس انها لو نزلت بنفس مواصفات الشركة الأم بدون تتدخل من الملعون غبور هتبقى سعرها فى السما ولا هتبيع ولا هيبقى ليها وجود
والدليل أعلى فئة فى الالنترا فيها ايرباج واحدة وتكييف تاتش وABS بـ125000 لو حطينا فيها كماليات الميجان مثلا هيصل سعرها للباسات أو الجيتا
فى الضياع يا عم الحاج .....
الناس فرحانة قطع الغيار رخيصة ( طب ماهى مضروبة ومش معمرة) قطع الغيار الصينى مغرقة الدنيا بس اغلبها فاسد واحد صاحبى جاب 4 طرمبة بنزين لسيارة اكسنت وتبوظ ولما يأس راح جابها من الوكيل بـ 1150 جنيه ( ملحوظة طرمبة بنزين الc4 و الـ 307 والاكسارا N7 بـ 850 الأصلية)
شيل الأكصدام الأمامى بتاع أى موديل هيونداى هتلاقى نفسك راكب صفيحة بأربع عجلات مع احترامى الكامل لأداء المحركات خاصتهم
الكورى اللى فى مصر فى الضياااااااااااااع
بروتون الماليزية نرجو ألا تعتمد دائما على لوتس وتقوم بتطوير نفسها لأن علاقتها بلوتس جعلت قطع الغيار نار وهى فى مرحلة الأختبااار
الصينى لا يستحق مجرد الحديث السئ عنه فهو فى مزبلة التاريخ
الهندى ما نعرفوش والأيرانى بتجمع خردة المصانع القديمة وتعيد تصنيعها (البارس والبرايد)
وهذه الخواطر وجهة نظرى الخاصة المتعلقة بالسوق المصرى
لكن ترتيب المدارس عالميا موضوع تانى خااااالص
__________________
أبو الفتوح رئيسأ
التعديل الأخير تم بواسطة ayman abdelrazek ; 02-02-2009 الساعة 05:11 AM
|