[sayed2077]

السلام عليكم ورحمة الله وبركاته

بعد عمل اول موضوع وهو عن تركيب تكيف ساندن يبانى لسيارة شاهين 1300
بورشة م:احمد حنفى
وده رابط الموضوع الاول

http://www.masrmotors.com/vb/showthread.php?t=88808

وذهاب اعضاء من المنتدى والحمد لله كلهم شكروا فى الاسطى احمد ولكن للاسف كنت مش ببقى موجود ساعتها ومكنتش طبعا بقدر اصور اى شىء واوريه لحضرتك بس حظى كان حلو امبارح
وكنت بجيب شوية اكسسوارات لسيارتى فقلت اروح اسلم على الاسطى احمد فروحت اسلم عليه لقيته بيقولى العربيه الدوجان ديه جاية من طرف منتدى مصر موتورز وقالى ان صاحبها جاى مخصوص من اسكندرية قلتله خلاص استنانى هجيب التليفون من البيت وارجعلك
وفعلا روحت البيت ورجعت وكان صاحب السيارة للاسف غير موجود حاليا فقولت خلاص اساعد الاسطى احمد و اصور لكم شوية صور علشان تشوفوها وفعلا انا كنت هناك حوالى الساعه 7.30 مساء وكنت لقيت الكباس ركب واتعمل القاعده له و السربنتينه ركبت بمروحتها و الكويل (التلاجه اللى عامله زى التكيف الاسبليت) ركبت وكان فاضل على تظبيط الكهربا فقط و كبس الخراطيم بتاعت الفريون وتركيب منظم ضغط الفريون وجهاز تعلية سلانسية السيارة اثناء عمل التكيف وتركيب كتاوت للكباس و لمروحة السربنتينه و تركيب فيوز للتكيف علشان فى حالة اى ماس لاقدر الله الفيوز يسيح فيحمى التكيف من اى مشاكل
واخيرا شحن الفريون

سميت الله وبدائت اصور بايد و امسك البلدوز بأيد لغاية لما جه الحج صاحب السيارة واتعرفت عليه وبصراحه كان بشوش جدااا وقالى ان ابنه هو اللى شاف الموضوع اللى كنت عامله عن تكيف الشاهين وقالة عليه وطبعا

ودجيه بعض الصور اثناء العمل

الصورة ديه اثناء عمل الاسطى احمد بتركيب اجزاء التكيف بالسيارة


وديه صور بتوضح مكان الكباس وتركيبه





وديه صورة السربنتينه بالمروحه





صورة منظم ضغط الفريون



صورة للسربنتينه بعد تركيب الخراطيم



صورة الخراطيم بعد تركيبها



صورة للاسطى حسن مساعد الاسطى احمد وهو يقوم بتركيب الثلاجه و عمل فايظ مياه لها لتخرج المياه الزائده خارج السيارة



صورة بعد تركيب الثلاجه



وخلاص بعد ما تم تركيب كل شىء تم كبس دائرة التكيف على ضغط 300 PSi
والحمد لله مكنش فيه اى تسريبات



واخيرا صورة للاسطى احمد وهو يقوم بالعمل فى التجهيزات النهائيه



والحمد لله تم تركيب التكيف وشحنه وتشغيله

واليكم فيديوا وانا اشرح كيفية تشغيل التكيف للحاج صاحب السيارة

http://www.youtube.com/watch?v=LphLV...layer_embedded

والحمد لله اكثر ما اسعدنى ان الحاج صاحب السيارة قالى ده تلاجه وشكرنى انى عرفته على الاسطى احمد

والشغل اخد حوالى 12 ساعه عمل
من 12 الظهر الى 12.30 بعد منتصف الليل

والتكيف نوعه ساندن يبانى
و
عليه ضمان سنه شامل كل الاجزاء
و
السعر 3700 جنيه فقط ( تم تعديل التكلفة بتاريخ 15/3/2013 نظرا لزيادة سعر صرف الدولار ) شامل كل شىء حتى بتركيب قواعد الكباس و جهاز تعلية السلانسيه اتوماتيكيا اثناء عمل التكيف

مع العلم يمكن تركيب التكيف لجميع انواع السيارات بمختلف انواعها
حتى لو ماروتى 800 سى سى او 128 1100 سى سى

واخيرا بيانات م: احمد


اسم المهندس: أحمد حنفى
رقم التليفون:01065020100
العنوان : شارع التعاون بالمعادى قريبا من نادى المعادى و جامع الفتح الاسلامى و مكتب صحة المعادى
التخصص : كهرباء وتكيف لجميع انواع السيارات بمختلف انواعها وموديلاتها

و

السلام عليكم ورحمة الله وبركاته