انا متابع الحوار من اوله و مكنتش عايز اتكلم فيه لأني لست مؤهلا علميا اني اجادل في حوار زي ده ..و ان كنت انا شخصيا من المهتمين بالفلسفة الدينية ( كهواية ) و المناظرات بين الاديان .. وكان لي كام ملاحظة كده ..
1- الفيديو عبيط و شكله متفبرك و زي ما تفضل الاخوة المسيحيين انه اي طفل مسيحي في 3 اعدادي ممكن يرد احسن من المذيع ده .. الموضوع ده قديم و الناس بتتناقش فيه من الف سنة و الحجج و طريقة المناقشة اقوى من الفيديو الاهبل ده بمراحل ..
2- و لذلك .. انا انبسطت جدا من الباشمهندس وائل و الاستاذ الدملاوي لدخولهم النقاش بالحجة القوية و بالكلمة الطيبة و ده المطلوب من اي مسلم يملك العلم و المنطق للنقاش و الجدال .. و على من لا يثق في كفاية علمه ان يمتنع خوفا من الاضرار بالاسلام و سمعته بان يقول من لا يعلم ما لا يعلم
3- مع كامل احترامي للاستاذ سام و اسلوبه الراقي في الحوار و لكن لو سمحت متزعلش من كلمة كافر لأنك انت نفسك شايفني كده .. و لو موش شايفني كده يبقى ايه اللى منعك تبقى زيي ؟؟؟؟
4- يا ريت نخلى الحوار بعيد عن الفلسفيات و في ابسط صوره علشان كلنا نستفيد .. و هتتعب معانا يا استاذ سام بس انت لازم تعرف انه احنا كمسلمين عقيدة التوحيد عندنا بسيطة التفسير جدا شديدة القوة في التطبيق .. و هيبقى صعب على عقل المسلم انه يفهم اللاهوت و الناسوت و الاقانيم و الحاجات دي ..
5- موش صح انه نكفي على الخبر ماجور .. لازم نواجه اسوأ مخاوفنا علشان نعدي مع بعض لبر الامان .. بالتي هي احسن .. يعني بالكلمة الطيبة و حسن المنطق و احترام الاخر ..
و تقبلوا سلامي جميعا
