المشاركة الأصلية كتبت بواسطة kokolata
الحمد لله ربنا كرمنى واشتريت اكسارا 2 اتوماتيك موديل 2002 من حوالى شهر كانت عامله 136 الف, وطبعا زى ناس كتير كنت بدور على العربيه دى بقالى حوالى سنه وشوفت عربيات كتير ومنها اكسارا 1 بس مستريحتلهومش وبالصدفه لاقيت اعلان ورحت فى نفس اليوم شوفتها وعجبتنى وتانى يوم خلصت فيها, بس مش عارف حاسس انى استعجلت العربيه محتاجه شغل مع العلم ان صاحبها قالى على بعض المشاكل الموجوده.
البور فىه صوت زى تزيق عالى لما بكسر الدركسيون على الاخر وطرمبة البنزين لما بيكون البنزين اقل من نصف التنك واكون طالع مطلع او ادوس على زر S بلاقى العربيه بتنتش والمرايا الشمال محتاجه تتغير والمفتاح الكهرباء مكسور والاقصدام الامامى محتاج برضه يتغير والرفر الشمال ده غير الحاجات اللى انا غيرتها زى تيل امامى, وبعدين فى حاجه غريبه العربيه العزم بتاعها ضعيف جدا فى الاول والثانى مش عارف ليه ولاحظت ان الار بى ام فى السرعتين دول بينقل لما بيكون بين 2 و3 وفى باقى النقلات بينقل عند 4 او بين 3 و 4 انا قولت يمكن ده الطبيعى لان دى اول مرة اركب اتوماتيك بس مش عارف ياريت لو حد يقدر يفيدنى فى المشاكل دى لانى بصراحه بدأت احس بالندم.
وفى مفاجائه تانيه وهى ان العربيه مفيهاش ABS, مع ان معظم الاعضاء اكدوا انها استندر بس لما دخلت على موقع خدمة ستروين وبحثت بال VIN ملقتش فيها ABS ولا حاجات تانيه كتير, اسف على الاطاله وارجوا لو حد يقدر يفيدنى فى المشاكل دى. ptmnlo123per144 |
الف مبروك وان شاء الله يتم حل جميع المشاكل المهم لازم تكشف على السياره عند متخصصين وبالكمبيوتر الخاص بكشف الاعطال لأن واضح ان فى حساسات مش مضبوطه (حساس نقلات - كرنك - مانيفول) وماالى ذلك
لأن سحب السياره فى الاول والتانى ممتاز جدا وتجميع الفتيس لو مظبوط كويس جدا.
عموما لازم تفحصها جيدا لو انت قريب من الحرفيين خد رقم ميكانيكى كويس
امجد ستروين 0122822870
وبرضه تروح تشوف الكنترول و تكشف عليه كويس
عند ك اتنين لو قريب من مدينة نصر يبقى عند فريد شوقى 0123236021
ولو من وسط البلد يبقى عند ابراهيم الكهربائى وده استاذ 0103353346
اما بالنسبه للمرايا هتلاقيها غاليه فتشترى بتاعة الاكسارا 1 ارخص وهى هى
بالنسبه للاكصدام ممكن تلاقيه فى الحرفيين عند مؤمن او رضا او ياسر بتوع الفرنساوى بس تفاصل معاهم كويس جدا وماتجيبوش ازيد من 700 جنيه
وان شاء الله تتحل جميع المشكلات ولو فى الى استفسار كلمنى 0104343800