بص يا باشا.......... لو إنت مش بلطجي و شبيح و بتاع مشاكل يبقى دور لك على حاجه تانية أحسن،،،،،،،،،، و عموما:
- عايز واحد بلطجي بنسبة 100% و صايع بنسبة 200% علشان تعرف تاكل عيش من العربية لأن حتى و لو معاك 100 تصريح و إنت مش بلطجي مش هتعرف تدخل العربة الموقف و حتى لو دخلتها ممكن عربيتك تقف طول النهار من غير ما تركب و لا زبون واحد (هو كده عافية و إذا كان عاجبك)، و دي ممكن تحلها بإنك في البداية تشوف لك سواق يكون إبن الموقف و معروف فيه و معندوش عربيه يدخل لك العربيه على إنها بتاع واحد قريبه شهرين تلاته لحد ما تتعرف في الموقف و إنت تكون معاه كل يوم تتعرف على الناس و تتعلم منهم و بعدها براحتك يا تركبها إنت (بس بعد ما تكون أخدت رخصه مش أقل من درجه أولى في البلطجه و معاملة السواقين و الزبائن) يا تخليك مع السواقين.
- ممكن لو ليك ظابط قريبك ييجي معاك أول يومين تلاته يعملك شهرة و يصيتك إنت و العربية في الموقف و يفهم السواقين أن العربيه دي تبعه و تحت حمايته و كمان يخلي أمناء الشرطة اللي في الموقف يتابعوك كل شويه و لكن عيوب الطريقه دي إنك هتفضل على طول مكروه من السواقين لإنك تبع الحكومه و ممكن يسلطوا عليك عيل من الصبيان يرجع عليك بضهره بعربيه يضيع لك نص العربيه من قدام أو من ورا و مش هتاخد غير معلهش يا باشمهندس أصل الواد إبن ال.... عيل و مش بيعرف يسوق و ياكلو قلمين و شكرا على كده،،،،،،،،،، كمان حتبقى مكروه من أمناء الشرطة اللي في الموقف لأنه مفيش من وراك سبوبه و مش هتدفع زي الباقيين لأنك تبع ظابط.
- بالنسبة للتاكسي:
عايز واحد بلطجي بنسبة 50% و صايع بنسبة 100%، لأن كل مشاكلك هتكون مع الركاب و عساكر و أمناء الشرطة فقط و لا فيها موقف و لا يحزنون و إنت مع نفسك.
أي عربيه ميكروباص أو تاكسي بيركب لها غاز عادي جدا و موفر جدا بشرط لو فيه عندك و في خط سيرك بنزينات غاز متوفرة.
أتمنى أكون أفدتك و وضحت لك الواقع................
__________________
اللهم اقسم لنا من خشيتك ما يحول بيننا
وبين معاصيك ومن طاعتك ما تبلغنا به
جنتك ومن اليقين ما يهون علينا مصائب
الدنيا ومتعنا بأسماعنا وأبصارنا وقوتنا
ما أحييتنا واجعله الوارث منا واجعل ثأرنا على من ظلمنا وانصرنا على من عادانا ولا تجعل مصيبتنا في ديننا ولا تجعل الدنيا اكبر همنا ولا مبلغ علمنا ولا تسلط علينا من لا يخافك ولا يرحمنا /
أخي الزائر ردد معى وقول **
***لا اله إلا انت سبحانك إني كنت من الظالمين***
أشكرك أخي الزائر على قراءة موضوعي ومنتظر الردود
صفحتي على الفيسبوك
http://www.facebook.com/ana.masry.940