المشاركة الأصلية كتبت بواسطة يسري أبو الخير
اثريا ايه بس استاذ وائل .. دا أغلبنا مشتري العربية مستعملة .. و تيجي الحكومة تدخلنا في حوار رفع الدعم عن المحروقات و اللي بيسموه البنزين .. يعني احنا داخلين على اكتر من سنة و نصف على ثورة 25 يناير .. و كانوا بيقولوا البلد بتتنهب و تتسرق من 30 سنه .. طيب حد يقولي ايه اللي اتوفر خلال السنة و نصف اللي فاتوا .. فين الفلوس اللي متسرقتش بعد الحرامية ما اتسجنوا ... و الا طلعلنا حرامية جداد لموا الفلوس اللي كانت مفروض تتسرق خلال السنة ونصف اللي فاتوا ... شكلها كدا مافيش فايدة .. و الشعب المصري هيفضل طول عمره مسحول حتى الموت ...
|
انا بتريق والله يا باشا اكيد اللى جايب عربيه وبيدفع قسط ولا حتى اللى جايب كاش مستعمل ولا حتى جديد مهواش ثرى يعنى ولا حاجة بالعكس ديه اسمها الطبقة المتوسطة اللى اهم للبلد اقتصادياً واجتماعياً
وحتى الاغنياء بجد المفروض طالماً بيدفعو ضرائب عن اعمالهم ومكاسبهم وخلصنا
مش هنفضل نبتزهم فى كل حاجة وندفعهم فى كل حاجة الدبل
وعلى فكره انا اعرف الناس الاغنياء بجد وكتير منهم بيركب افخم العربيات بالتهرب من الضرائب اللى انا وانت بندفعها على اقل العربيات
علشان الباشا علاقاته كويسه بسفارة كذا ولا كذا فبتنزل العربيات باسمها وكام شهر ولا سنة وتنقلها باسمه
واعرف عيالهم فى منتهى الاستهتار مبتفرقش معاهم تفويله البنزين لو بالف جنيه ومخالفاتهم بتعدى عشرات الالف كل سنة وبالوسائط بتنزل العشر لكن لو حد فينا عليه مخالفه 1000 جنية هيدفعها يعنى هيدفعها
الموضوع مش غنى وفقير اصلاً لكن هما عايزين يصوروه كده لكسب تعاطف الناس