الموبينة مجننانى
السلام عليكم
انا عربيتى سكودا فابيا 2001 1400 سى سى
الموبينة عندى كانت الفيشة بتاعتها بتتهز فالعربية تفصل ولازم انزل احرك الفيشة
فقررت اغير الموبينة
فلما غيرت الموبينة جبت موبينة جديده
اشتغلت شوية كويس وبعد كده العربية تلتت
فقلت اجرب اركب القديمة فالعربية اشتغلت كويس
فقلت المشكلة في الموبينة المهم رحت للكهربائى وجبت واحده تانية وقالى برده المشكله في الموبينة
فرحت بعد كده كشفت على العربية كمبيوتر قالى الجهاز يقرا حساس الكامة
وكمان كشف على الفيشة اللى داخلة في الموبينة اللى هى جاية من ضفيرة الكهرباء
قالى في طرف مبيديش اشارة وهو ده اللى مخلى البوجيه 1و4 مش شغال
والعربية شغالة على البوجية 2و3 بس
يعنى المعروف ان الموبينة بها ملفين ملف على 1و4 وملف على 2و3
يعنى هو يقصد ان السلك اللى جاى من الكمبيوتر للملف 1و4 مش شغال
حد يقدر يسعدنى في المشكلة ديه
|