[سامياتى]

للاسف عملت حادثه بالعربيه قدام العماره والحمد لله على كل حال
قدام العماره جراج صغير وانا جديده فى السواقه والاسبوع ده كله خرجت ورجعت 3 مرات لوحدى كويس ولكن اليوم بعد مارجعت ولسه حركن دوست دبرياج ورفعت رجلى براحه لقيت العربيه جريت بسرعه لقدام واظاهر انى بدل مادوس فرامل دست بنزين مش عارفه ايه اللى حصل لحظه واحده لقيت العربيه خبطت الرصيف قدام ولفت عكسى وخبطت الفانوس والجنب بتاع عربيه واقفه وطلعت الرصيف وبعدين وقفت فى شجره صغيره
والنتيجه كسر فانوس خلفى وجنب واكصدام العربيه السبرانزا اللى واقفه وعربيتى كذا حاجه فى الكبوت والفانوس الامامى وكذا حاجه معرفش اسماءها وتجمع الناس والمهم خدوا العربيه يصلحوها وصاحب العربيه التانيه حسب التكاليف وحاسبنا عليها
الحمد لله انها جت لحد كده
سؤالى لكم هل تصليحها فى ورشه يفقد الضمان انا لسه مستلمه من اسبوع ولم اعمل غير التأمين الاجبارى مع الرخصه لكن لم اامن عليها
مش عارفه اتصرف ازاى ؟؟
ارجو منكم النصيحه ؟؟
مش عارفه اعمل ايه ؟














ا