المشاركة الأصلية كتبت بواسطة michohat
مشيت 180 كيلو جوه البلد
|
مفيش حد بيعمل معايرة لاستهلاك البنزين على الطريق داخل البلد خصوصا انك في الزقازيق والزحمة فيها اكتر من كوبري 6 اكتوبر في القاهرة
المشاركة الأصلية كتبت بواسطة michohat
خصوصا واني قبل ما افتح الباب الثاني كانت بتعمل معايا من 10 : 11 كيلو فى اللتر فى السفر
|
وبرضة مبنفعش تقارن بين الاستهلاك جوه البلد على سرعات 20 -40 وغير منتظمة ووقفات كتير واستهلاك بنزين
وانت واقف وبرة البلد وانت ماشي على الطريق واخدت سرعتك
حساب الاستهلاك
تفول بنزين للزور وتطلع على الطريق السريع وتمشي على سرعة 90 وترجع تفول من نفس البنزينة وتشوف فولت كام لتر ومشيت كام كيلو
انت عندك بنزينة وطنية عند التجنيد فول من عندها واطلع على القاهرة الصحراوي او على العاشر وترجع تفول منها هيا برضة
لو اني اعتقد ان معدل الاستهلاك كده برضة عالي داخل البلد
المشاركة الأصلية كتبت بواسطة michohat
نقطة ثانيه
حاليا السيارة بها كاوتش مقاس 170 / 75/ 13 والكاوتش الحمد لله معظمه معقول بس هوا متركب فيها من 2000 او 2001 و عاوز اشوف ليها كاوتش تاني
|
العمر الافتراضي للكاوتش من تاريخ التصنيع 6 سنين
يعني اللي معاك منتهي صلاحيته من 2007
المشاركة الأصلية كتبت بواسطة michohat
اللى عرفته ان مقاس كاوتش ال 131 الاصلي هوا 165 / 80/ 13
ولما نزلت اسأل فى المحلات على اللى موجود قالوا لي خد المقاس 185/ 75 / 13 لانه هيكون قريب للمقاس الحقيقي بتاعها
فعاوز اعرف ايه الفرق بين المقاسات وايه المزايا والعيوب فيهم
175 / 70 / 13
165/ 80 /13
185 / 75 / 13
|
فيه موضوع معمول عن مقاس الكاوتش راجعة هتلاقي فيه المعادلة بتاعت المقاسات ولو حبيت تغير المقاس ايه
المقاسات مش مميزات وعيوب
المقاسات مرتبطة بحاتين مهمين عندك وهما عداد السرعة وعداد المسافات المقطوعة
لو محيط الاطار الخارجي زاد عن المنصوص عليه هيحصل الاتي
1. عداد السرعة بيقليس عدد اللفات من اكس الدوران يعني بيقيس اللفة وبعادلها على المعيار بتاعها ويطلعلك النتيجة انت ماشي على سرعة كذا
لو حضرتك المقاس اقل من القيمة المطلوبة العداد هيعد لفة كاملة عنده في حين انها على الطبيعة لفة و10 سم مثلا اصبحت حضرتك بتمشي على 100 والعداد بيقولك السرعة اللي انت ماشي عليها 90
والعكس طبعا لو الكاوتش محيطة بقى اقل العداد هيقرأ 90 وانت ماشي على 80 مثلا
2. عداد المسافات او الكيلو متر وده برضة بياخد قرائه من على اكس الدوران
فكل لفة كم الكاوتش بتعمل 1 متر مثلا لو الكاوتش مقاسة اكبر هيقرا 1 متر في حين انه ماشي 1.1 مثلا
والعكس لو الكاوتش اصغر العداد هيقرا 1 متر في حين انك ماشي 90 سم مثلا
لما تيجي تشتري الكاوتش خليك دايما مع المقاس الاصلي بتاعه طالما انت مركب الجنط الاصلي
الا لو هتغير الجنط ممكن تزود عرض الجنط في مقابل انك تقلل ارتفاع الكاوتش