بسم الله الرحمن الرحيم
انا بصراحة من هواة النمر
يعنى انا اول حاجة ببص عليها فى العربية هى النمرة
رقمها - مرورها - المحافظة و كدة يعنى
المهم لما نزلت النمر الجديدة بقى فى حاجة جديدة عليها
اولا : انى مش عارف دى محافظة ايه
ثانيا:مش عارف دى مرور ايه
فقررت انى اعمل بحث
عن الموضوع ده و ادقق و امعن فى كل نمرة اشوفها لحد ما خرجت بالنتايج دى
اولا الاسكندرية:
س** **** تلات حروف و اربع ارقام بس لازم يكون اول حرف (س)
ثانيا القاهرة:
*** *** تلات حروف و تلات ارقام و اول حرف ده مش مشكلة بيتغير عادى
ثالثا الجيزة:
** **** حرفين و اربع ارقام و برضه اول حرف ده عادى
هو ده اللى انا عرفته بس عشان دول التلات محافظات اللى انا بروحهم فى مصر
فيايرت لو حد يقولنا على بقيت النمر
ثانيا بقى : الالوان
برضه كانت من ضمن البحث
الازرق طبعا ملاكى و دى كلنا عارفينها
الاحمر دى تبقى تجارية
الرصاصى دى بتاعت الوزرا و اللذى منه
الاخضر دى الهيئة الدبلوماسية
و ياريت برضه يا جماعة لو حد يعرف الوان تانية يقوول
و شكراااااا