رد: كل المعلومات و الاسعار عن لانسر البومة الجديدة
معلش يا ميدو بية ... بس واضح انك لسة مبتدىء وصدقنى المعلومات الى بقولها دى لو حفظتها وفهمتها هتبقى خبير بعد كدا ,,,
لما قارنت الانترا بالباست .. قارنت من ناحية السرعة .... مش اى حاجة تانية
وبكررها تانى
.. الانترا اسرع من المازدا 3 واسرع من الشارك واسرع من الاوكتافيا واسرع من الجولف5 واسرع من الجيتا واسرع من الباسات واسرع من ال316 الجديدة وال116 كمان
حط تحت اسرع دى ميت خط .... انا مش بقول افضل .. لان العربيات دى عربيات احلامى اصلا وبتمنى امتلك اى واحدة فيهم فى يوم من الايام
ياباششا حرام عليك بجد ..... مش مصدق ال british encyclopedia ؟؟؟
وبعدين لانسر اية الى بتتكلم عليها دى ... انا جايبلك لينك الفتيس الى بيستخدم فيها الى هوا الcvt ... قولى بقا دا مش فتيس الانسر !!!
ومكتوبلك infnite number of gears .... اترجملك ؟ ..... يعنى عدد لا نهائى فى النقلات
وبعدين الانسر اسمها العلمى ralliart ??? باراجل ؟؟؟ طيب اسمها الفيزيائى اية ؟؟ ptmnlo123per154
وياباشا انا مش مطالب منى اجيبلك تقرير عن حاحة .... حضرتك ممكن زى الظريف تدخل على جوجل او whatcar او wikipedia وتكتب .... vw golf .. وشوف الlist بتاعت المواتير .. اذا ملقتش الموتور ال1.6 102 hp mpi
ابقى انا الى حمار ومبفهمش
وبعدين مية اية وغطاس اية .... يعنى انا اقولك ارقام وحقائق و اكبر مواقع السيارات فى العالم وانتا تقولى صاحبك وقطة وفار وغطاس ؟؟
مش غلطتى انتا متعرفش موقع whatcar اكبر مجلة وسايت متخصص فى العربيات فى بريطانيا ,ومش عارف الموقع الرسمى لتويوتا ايجيبت
انا اثبتلك بالارقام والمواقع المصدقة ان الكورولا اسرع من الاوكتافيا .. لو انتا عندك دليل يثبت العكس قولو .. لو معندكش عادى ... مش عيب لما تقول شكراا على المعلومة الجديدة .. النقاش مش حرب
ولعلمك بس الجيتا والاوكتافاي يشتركان معا فى نفس الموتور ونفس الفتيس ونفس الوزن ... يعنى نفس الاداء فى كل حاجة ... ودى حاجة مستنى من حضرتك انك تناقش فيها كمان !!
وحضرتك مش عارف ان فية حاجة اسمها net hp(قدرة الموتور بعد فقدان القوة المهدروة فى مقاومة الهواء والعجل والووزن وعوامل الاحتكاك ) و gross hp (قدرة الموتور خارج السيارة )
ولما بيجوا يقارنو بيت عربيتين بيستخدموا نفس المعيار ... يعنى نقارن بين اتنين net او اتنين gross .. مفيش حاجة اسمها بمزاجهم
ربنا يهدينا جميعا !
|