رد: حمى الكيا سيراتو الجديدة
على فكره انا مش معترض على كلامك ...
لكن اللي أنا مستغرب له إن حضرتك ابتديت الكلام بإستفسار عن سبب الاقبال على السيراتو .. و وصلت في الاخر الي عوامل تلوث البيئه و تهاون اشتراطات و معايير البيئه في دول العالم التالت ... و طبعا في النص كان الكلام عن احترام الاوروبي للمعايير و الانبعاثات و تهاون الاسيوي ...
انا مش معترض ... لكن مش قادر استسيغ طعم طبق المكرونه بالملوخيه .... ptmnlo123per16
مش قادر افهم إيه علاقه السيراتو بالسحابه السودا !!!!! ptmnlo123per156ptmnlo123p er1133
مش عارف اتكلم معاك في اي جزئيه لأن كله دخل في بعضه ... ptmnlo123per129
عموما أنا حقول اللي عندي و أمري لله ..
اولا :-
موضوع ان الناس بتقبل على السيراتو أكتر من أي عربيه تانيه اليومين دول ... فلأننا بنتكلم عن عربيه في شريحه سعريه عليها اقبال كبير من الناس اليومين دول... من 100 ل 120 الف
كون إن الناس بتجيبها و تسيب عربيه زي السيتي مثلا لأن السيتي أول ما نزلت كانت ب 128 الف و كان سعرها مبالغ فيه ... و دلوقتي سعرها نزل بعد ما فقدت زهوتها خلاص ..
ده غير إن ناس كتير حتشوف إن الفرق بين السيتي و السيراتو مش كبير زي ما حضرتك شايفه
السيتي هوندا صحيح .. لكن تايلاندي و ملهاش وجود من اساسه على الموقع الرسمي لهوندا !!
وزي ما حصل مع الالنترا حيحصل مع السيراتو ... سنتين و ينزل موديل جديد جووكر يلم السوق ..
اما فرق السعر بينها و بين الكورولا و الشارك و الاسترا ... فالي يقدر يزود بضعه الاف علشان يجيبهم ممكن يزود بضعه الاف كمان و يجيب برافو و لا ليون او كام الف كمان و يجيب جولف ... او كام الف كمان و يجيب ..... مرسيدس !! 
ثانيا :-
انا متفق معاك تماما عن غياب المواصفات المصريه و اللي عايز يجيب تلاجه و يركب لها موتور طلمبه كوبوتا محدش حيقوله بم ...
إحنا للأسف بنقدر العربيه بشكلها و حجمها قبل محتواها ... و كماليات العربيه عندنا من سنتر و ازاز كهربا و خلافه اهم 100 مره من انظمه الامان
وده موضوع كنت عملته علشان أعرف رأي الناس في النقطه دي ..
http://www.masrmotors.com/vb/showthread.php?t=4039
وحعيد عليك نفس السؤال تاني ... قولي النهارده على عربيه اوروبي بمواصفات اوروبيه بسعر اقل من 100 الف ... 
(غير العربيات المصممه و مصنعه للعالم التالت زي السيينا و اللينيا و الباراتي و ....)
طيب حقولها بطريقه تانيه ... ايه سبب اقبال الناس على الاوكتافيا و الجيتا و بعدهم عن عربيه زي الفولفو مثلا
او الاقبال على الشارك و الكورولا والسيفيك و بعدهم عن الليون و البرافو ... مع إن شنطه أي عربيه هاتشباك من دول أكبر من شنطه السيفيك ptmnlo123per118
السييد تعتبر الهاتشباك للسيراتو .. لكن المواصفات الاوروبيه تختلف عن مصر ...
وكون ان السييد تصدر لاوروبا و السيراتو لأ ... فهو نفس سبب ان السيراتو عندنا والسييد لأ .. الاوروبي بيفضلو الهاتشباك و احنا بنفضل السيدان ...
ومعتقدش حيكون صعب على كيا زي ما عملت السييد بمواصفات اوروربيه تعمل السيراتو !! 
الفرق الجوهري من وجهه نظري إن الاوروبي غالبا بتكون مواصفاته شبه موحده ... على الاقل في الاساسيات و المكونات ...
لكن للأسف الاسيوي مواصفاته مطاطه ... هات نفس العربيه من اليابان و الخليج و مصر ... و حتطلع اختلافات بين التلاته اكتر من ال 10 اختلافات بتوع مجله ميكي جيب ptmnlo123per1147
أنا متفق تماما مع رأي حازم ... لكن حتكلم معاك بصراحه ...
مع إن حازم أكتر واحد يقدر يرد في النقطه دي .. لكن حقول اللي فهمته من كلامه و اللي فهمته من كلامك
حازم بيقول إن الناس بتشتري العربيه وأول وأهم نقطه في قرار الشرا هو الشكل .. و كمل الكلام بعد كده واتكلم عن سمعه العربيه في السوق و توافر قطع الغيار ...
لكن حضرتك اعتبرت ان الشكل هو العامل الوحيد و إن الناس ميهماش الجوده ... و دي أنا معترض عليها تماما ..
أي حد بيشتري عربيه يهمه انها تستحمله و تعيش معاه .. و لو مكنش معنى الكلام ده جوده و إعتماديه يبقى معناه ايه ؟؟
لكن كله بتمنه .. وكل واحد على قد مقدرته ...
انا لو اقدر ادفع 140 الف مش حقولك حسيب السيراتو و أفكر في كورولا و لا شارك ....
لاااااا ..
مش حفكر أساسا في الكورولا و لا الشارك و حجيب فيات برافو او سيات ليون ...
و لو معييش غير 70 الف .. حفكر في الفيرنا او الانوس ...
ولو معييش غير 100 الف .. حتبقى السيراتو
منطقي ... ولا انت رأيك إيه ؟؟
في النهايه ... معتقدش إن الاقبال على السيراتو او أي عربيه مشابهه هو السبب الرئيسي لمشاكل البيئه والسحابه السودا و غياب المواصفات في دول العالم التالت ... ptmnlo123per1106
في عندنا مصانع ملوثه و اتوبيسات وعربيات حكوميه غير صالحه و حرق قش أرز و زباله و دبان و مصارف مكشوفه و موتوسيكلات بتحط زيت على البنزين و تكاتك و مدابغ و مصانع اسمنت ..... و شكمانات سيراتو !! ptmnlo123per1146
لما الاول نشرب مياه غير ملوثه و ناكل اكل صالح للأسنخدام الادمي ... ونشم هوا نضيف ptmnlo123per144
لما اكل دينر بوكس من كنتاكي و انا متأكد إن بطني مش حتوجعني ... ptmnlo123per1147
ممكن ساعتها أقول للناس إن الشركات الكوريه بتتضحك علينا !!! ptmnlo123per160
وأسف للأطاله 
__________________
من تواضع لله رفعه The ultimate car would be designed by Italians engineered by Germans built by Japanese &
التعديل الأخير تم بواسطة sam ram ; 21-07-2009 الساعة 12:24 PM
|