رد: اسعار قطع غيار هيونداي فيرنا
السلام عليكم
مع كامل الأحترام للأساتذه ألي بيقولو ان الأسعار ألى العضو قالها أكيد مضروبه وبلاستيك وهجص
أحب أقول ولا مضروبه ولا هجص ولا بلاستيك
أيوه التيل الأمامي ب 45 جنيه وبيمشى معايا 25 ألف مع العلم أن انا بفرمل علي سرعات عاليه جدا وفيه تيل تانى ب 60 (وده ممتاز جدا) لو حد عايز يشتريه ب 140 جنيه براحته وممكن تجيبه من التوكيل ب 250 جنيه برضو براحتك (ولا تزعل نفسك) بس منشككش فى كلام كاتب الموضوع
أطلس فى الأسكندريه هو وكيل لقطع غيارالهيونداي الكوري والأسعار ديه كلها عنده
القاهره برضه نفس الأسعار (الفتح - السرساوي -ش دمشق)
والله مره غيرت تيل فى المستر (ط الأسكندريه القاهره) جبته ب 50 جنيه برضو
أنا جربت التوكيل 2004 حتى 2006 والله اشتغاله وبيركبو مستعمل
التوكيل ساعات بيكون نصب (انا فى 2004 غيرت كاتينه بس ب 400 جنيه بالمصنعيه جوا التوكيل طبعا ) بعد 18000 كيلو العربيه كانت مع أخويا والسير قطع وهوا واقف فى اشاره جوه البلد)
والله التوكيل أكبر اشتغاله فى الدنيا (وبيركبو استعمال خارج وساعات نص عمر من عربيات تانيه من جوا التوكيل والكلام ده مش قذف ليهم لا ده كلام مهندسين من التوكيل قدموا استقالتهم علشان الغش + انا جربت الأتنين)
احب أشكر صاحب الموضوع وأقوله متزعلش من ردود بعض الناس , وشكرا علي نصيحتك ليهم وألي شايف الكلام ده غلط يروح يدفع
__________________
Ahmed Felefel
|