المشاركة الأصلية كتبت بواسطة DudZ
انا معايا فيات سينا 2001 ( 1.4 ) العربيه كانت ماشيه كويس بس كانت و هي بارده ما شاء الله سحب حلو و صوتها ناعم مجرد ما تسخن بيقلب حالها .. السحب بيقل جدا و صوتها بيبقي مش ناعم .. بس مكنتش مدايق عادي طالما ماشيه .. واحد ابن حلال غسل المكنه بميه من حوالي اسبوعين و من يوميها و في لمبه حمرا منوره في التابلوه و العربيه بتقطع جامد جدا عند لفات RPM معينه .. مع العلم ان بعد الغسيل راحت لميكانيكي و فتح المكنه و نضف البوابه و غير البوجيهات و شاف الموبينه و قال شغاله عشان العربيه مش بتتلت (( علي حد قوله )) .... ارجو الافاده السريعه عشان العربيه قاعده تصرف فلوس علي الفاضي و مش راضيه تتصلح و محدش فاهم فيها
|
لو المشكله ظهرت بعد الغسيل يبقى فى فيشه دخل فيها ميه وانا اشك فى فيشة حاس الكرنك فكها ونظفها بالهوا لان المشكله زى مشكلتك كانت فى عربيه هندا بعد الغسيل كانت اخر دواسة البنزين على 3000 ياريت تنظف الفيشه وتعرفنا عملت ايه