3- الفئة المستهدفة من السيارات : السيارات الكورى و اليابانى,والصينى موديلات ( 99 - 2011 ) + مشروع التاكسى الجديد

دائما ابدا لا تلجاء للخراط الا فيما ندر!لان دى نصباية كل الميكانيكية او الحق الذى اريد به باطل كما يقال
لان الخراط بيطلع للميكانيكى حقه
من وراء قفا الزبون!
السبيكة لو مريجة او الطبقة الجلبانيز
او النيكل تضررت ميهمكش حتى لو النحاس بان
هتجيب لوح زجاج مستوى املس
وتحتط عليه فرخ صنفرة خشنة
وتبداء تبرض فى اتجاه واحد فقط مش
رايح جاى !!
وتقيس لقمة الكوتشينتو السفلية مع اللقمة العلوية اللى فى البيل ده بالنسبة
للمتحرك بالنسبة للقم السبيكة الثابتة هتعمل نفس الوضع لان الثابت دايما
لقمه مبتبقاش تعبانة قوى زى المتحرك!!
طبعا ممكن يكون الوصف مش عاجبك بس صدقنى الشغل الاصلى
فى مصر كان كده اصوله الغير متبعة
حاليا للاسف!! فى اوروبا حتى الان
متبع ذلك الاسلوب فى الوورك شوبس!
لو الكرنك فى تسيير وتجريح كتير برضه ما تقلقش لان كل لقمة ليها بصمة على ركبتها !! اهم حاجة وانت
بتفك تعلم اللقم! 1234
وهكذا حتى لو 16 سليندر!! ما يهمكش!!
طبعا هتضطر دايما يبقى عندك ورق بفرة فى الورشة!!
ليه؟؟!!
علشان بعد ما تاخد بوش السبيكة على
فرخ صنفرة هتحط ورقة بفرة مبين السبيكة واللقمة علشان تعلى من المنتصف بعد ما الجوانب قلت نتيجة
للبرض وكده رجعت كاملة الاستدارة
كانها جديدة!! لو ما جابتش الملى ميكرون اللى انت محتاجة حط ورقة
تانية وتالتة وماتنساش تخرمهم من عند خرم نفاذ الزيت اللى بيعدى من
الكرنك للسبيكة كما تعلم مسارى الزيت!! وتربط لقمة لقمة وتريح
الكرنك وتفك وتربط وتريح لغاية
كله ما يبقى ميه واحدة !!

بالنسبة للشمايز لو مريج على خفيف
لا تقلق ولو بيضاوى على خفيف ايضا
لا تقلق حتى المعتب بس يكون ناعم لا تقلق !!
هتقيس فتحة كل شمبر فى شميزه من
غير بستم كلا حسب ظروفه !!
وبعدين تاخد قور الشمبر بمبرض
ديل فار بالراحة لانك المة دى هتسقط
البستم بشمبره من ناحية الكرنك وانتى
فاكك خالص!! فى صورة باعتهالك فوق
بتوصف الموضوع ده ولعلمك بيطلع موتور محصلش على قد ما انت تعبت
فيه !!
الصبابات لو عربية سير كاتينتها مش ناطط او وش سلندرها مش مقفع او محتاج يزود ويتقشط !!
برضه مفيش خراط ما فيش احسن من
ايدك وتسلم ايدك صدقنى!كل صباب لازم يتعلم ويفضل فى دليله وبرده متلخبطهومش لان
لكل منهم بصمة وتطبيع فى مكانه!
تعمل الروديه المحترم مرة بمعجون
صنفرة روديه خشنة ومرة بناعم فى الاخر!!
اول ما الصباب يطبع فى قاعدته واثناء الروديه تحط زيت ماتور على
عمود الصباب علشان الدليل ما يوسعش !!
وحتعمل عمرة او طقم شمبر لازم الموتور
يبقى برة العربية فى الحالتين ودائما
غير طقم جوانات كامل فى الحالتين!!
وجوان وش السليندر ما تركبش غير واحد لان 2 جوان اه بيكبروا نسبة المياه والتبريد والعربية ما تسخنش!!
لاكن بيكبروا غرفة الاحتراق ايضا ويزودوا استهلاك الوقود !!

جوان وش سلندر واحد كفاية ولو الوش مش مريحك وتعبان حط جوان
محمل سميك !!
حمى جوان وش السلندر زيت موتور قبل التركيب بربع ساعة عشان ميورقش ويتهرى وانت بتقرط !!
لو طلمبة الزيت ضعيفة ليها طريقة
روديه كمان !!
فك سوستة بلف الراجع اللى بترمى
الزيت الزيادة فى الكارتير!!
وببنستين جامدين امسك بكل واحدة طرف السوستة وشد فى اتجاه معاكس
زى كاءنك بتستعمل جهاز تمارين الصباح بتاع تقوية عضلات الصدر والذراعين !!
كده انت قنطرت السوستة وركبها تانى للطلمبة وقفل التيلة كويس فوق السوستة الطلمبة كده هتديلك ضغط زيت بالبا ر يرفع عمارة !!
مفيش صاحب عربية يستلم عربية من عندك قبل ما تحرق 3 صفايح بنزين
60 لتر وهى واقفة دايرة جنب الحيط
!!!!!!!!
واحسن موتور اللى يبطل لوحده بعد
5 دقائق من اول دوارة بعد العمرة
او طقم الشنبر!!
لان ده معناه ان الشمبر محكوم لدرجة
انه لما اتمدد فرمل الموتور وبطله وكلبشه !!!
الف مبروك مقدما وبالتوفيق والنجاح

R OSE4U