فى البدايه عاوزين نلقى نظره عامه ونسأل أنفسنا
ليه بيتم تبريد محرك السياره كنوع من أنواع المحركات ذات الأحتراق الداخلى
- تصل حرارة الغازات المتولده داخل غرف حريق المحرك نتيجة أشتعال مخلوط الهواء والبنزين أثناء تشغيل المحرك الى درجات حراره عاليه للغايه
حيث يتراوح معدل الأرتفاع فى الحراره الناتجه بسبب الأنفجار الى درجات تتراوح من 1750 الى 1950 درجه مئويه ................شوفوا الرقم كبير أزاى
- لايتم الأستفاده الا بجزء صغير من الحراره العاليه المذكوره عاليه وتحويلها الى شغل ميكانيكى على أسطح بساتم المحرك ومنها الى البيلات ثم عمود الكرنك ثم أجهزة النقل المسئوله عن تحريك السياره
- تبلغ الجوده الحراريه لمحركات البنزين فيما بين 25 - 30%
يعنى دى النسبه من الحراره اللى بنستفيد منها بسبب أحتراق مخلوط الهواء والبنزين
طيب باقى النسبه .....اللى بيمثل حوالى 70 % حراره ضايعه بيروح فين
- تخرج النسبه الغير مستفاد منها فى صورتين
1-ينطلق جزء كبير من الطاقه الحراريه مع غازات العادم الخارجه من خلال منظومة الشكمان بنسبه تمثل 35%
فى بعض تصميمات المحركات الحديثه بيتم أنهاك هذه الطاقه الحراريه الخارجه من فرن الشكمان الخاص بالمحرك فى تدوير توربين غازى لتشحين المحرك ( المحركات المزوده بتربو تشارجر )..........
2- يتبقى بعد ذلك الجزء الأخير وليس بالجزء القليل ومطلوب التخلص منه وألا تعرضت أجزاء المحرك للأنهيار والتلف
هو ده الجزء الخاص بدورة تبريد المحرك ....اللى بتشتغل عليه مية التبريد
عاوز قبل ماندخل فى مكونات دورة التبريد ونظام التبريد بيمشى أزاى
نتكلم عن تأثير التبريد على المحرك
- يلاحظ أن التبريد الزائد عن الحد للمحرك أثناء عمله لايمثل ميزه بل على العكس فأن تأثيره ضار للغايه على المحرك
- مع التبريد الزائد للمحرك يزداد فقد الأحتكاك بسبب أخفاق عمل دورة التزييت
حيث يتكثف جزء من خليط الأحتراق ( بسبب عدم جودة تبخره )على جدران غرف الحريق من الداخل
- يقوم هذا الجزء المتكثف بغسل جزء من زيت التزييت المستخدم فى تزييت جدران غرف الحريق من الداخل من على جدران الأسطوانات
ممايزيد من معدل تآكل المحرك بسبب تكون مركبات حمضيه وبالتحديد ( حمض الكبريتيك )
طبعا الجزئيه دى مهمه ويجب أن نعطيها الأنتباه ....ولانسمح لبليه وأعوانه بأسئصال ثرموثتات دورة التبريد من الدوره
بحجة أن الحراره عندنا عاليه ......فده كلام غير مظبوط علميا
أصل اللى بيحصل جوه المكنه حاجه .....والجو الخارجى وظروف الطقس حاجه تانيه
ندخل بأه فى موضوعنا واحده واحده
نظام التبريد المائى
تتكون دورة تبريد محركنا من مجارى المياه بالبلوك والمجارى الخاصه بدورة التبريد برأس السلندر
ومن مضخة التبريد (طلمبة الميه ) والمروحه أو المراوح والردياتير والثرموثتات والخراطيم والمواسير وخلافه
فكرة التبريد تتلخص فى أن الميه بالمحرك تقوم بأمتصاص الحراره من الأماكن الساخنه عبر أقمصة وجيوب التبريد بالبلوك ورأس السلندر
ثم تمر من خلال دفع الطلمبه الى الردياتير وهوعباره عن مشعع يقوم بنقل الحراره من الميه الى الهواء الخارجى المندفع فى أتجاه الردياتيرمع حركة السياره وبشفط المروحه
حيث تنخفض درجة حرارة الميه فى الردياتير من خلال التبادل الحرارى بين الهواء والميه بنظرية الأشعاع الحرارى
علشان كده بنسمى الردياتير المشعع
- توصل أجزاء دورة التبريد بخراطيم ومواسير من نوع معين
ويتم التحكم فى درجة حرارة مية التبريد فى الدوره عن طريق ثرموثتات ميكانيكى
أو قد يكون من طريق فصل ووصل المروحه أوتوماتيكيا
أستراحه بسيطه وسأقوم فيما بعد بالتحدث عن كل مكون من مكونات دورة التبريد
أولا ده سؤال لأحد الزملاء كان عاوز يشوف مجارى التبريد فى البلوك ورأس السلندر
وكان هذا هو الرد من جهتى فى الأقتباسات التاليه
اقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">المشاركة الأصلية كتبت بواسطة samirayad
هى صعبه أنك تشوف المجارى جوه البلوك أو رأس السلندر
لأن دى حوارى ودهاليز بتصمم بالسباكه وقت صب البلوك أو رأس السلندر فى المسابك المخصصه
ولكن ممكن تشوف بدايتها فى رأس سلندر زى كده
مع ملاحظة أن البدايه هى الشكل المستعرض حول الدايره الخاصه بتجميع الصبابات
أو تتخيل مسار الميه فى البلوك والرأس كالأتى
</TD></TR></TBODY></TABLE>