[aymangalal]

احب افيد
بعد زيارة الشيخ طارق (ربنا يجازية كل خير) ومزيد من الاستفسار وبنفس الاسئلة اللى موجودة فى :الموضوع كانت الردود كالاتى
افضل وانسب مواتير للسيات
موتور 127 900سى سى -
موتور 131 1300-1600 سى سى بس الـ 1600 هيبقى كتير على العربية-
موتور 124 1200-1400سى سى -

اللى ماينفعش عشات تعديل القواعد هيبقى كتير
الاونو بصفة عامة لانه برضه -الشيخ طارق- افادنى بإن مواتير الاونو حتى لما بتنزل فى حوض 127 بتحتاج تعديل فما بالك السيات
انا فى حالتى او هسقط 127 900 سى سى مش هعمل حاجه غير انى اشيل واركب لان فى الغالب اللى عندى برضه فى السيات حاليا تقريبا 127 بس محتاج طقم شنبر او عمره على حسب فالاقتراح انى اجيب شورت بلوك"موتور بدون ادوات التغذية" لان اللى عندى يركبوا وشغالين والحمد لله
الشورت لاوك عامل 800جنية
موتور 124 و 131 عامل 3000 جنية كامل
طبعا الكلام ده كله لو على نفس الفتيس السيات
اما لو هنغير الفتيس بواحد تانى بتاع فولكس بيتلز هنحتاج نخرط بلاطة عند خراط نضيف
والبلاطة دى وظيفتها الربط بين الفتيس البيتلز والموتور سواء 124 او 131 واللى عرفته انها مكلفة شوية فى حدود 500 جنية تقريبا
الجميل اللى عرفته من الشيخ طارق ان اى من المواتير السابق ذكرها ليس له اى تأثير على العربية سواء صاج او شاسية
بالنسبة للموتورين 124 و 131 هيحتاجو يتعملهم قواعد لان المواتير بتنزل من غير ولان قواعدهم مش متوفرة فعشان كده فى الغالب بيبقوا عموله وبيركبوا فى نفس مكان قواعد السيات

هههههههههههههههههههه ههه انا عامل زى اللى بيغنى ويرد على نفسه.... طالما مش لاقى حد يرد عليا
ان شاء الله ابدأ فى الموضوع واوافيكم بالتطورات