السلام عليكم ورحمة الله وبركاته
عايز اعرف سعة مواتير الفيات والفروق ما بينهم والعيوب والمميزات
ولو حبيت اسقط موتور منهم على سيات "بتعديل وبدون" ايه اللى ينفع واللى ماينفعش
اقرب الاختيارات المتاحة قدامى
127 - 900 سى سى
127 - 1050 سى سى
اونو - 1000 سى سى
اونو - 1100 سى سى
اونو - 1300 سى سى " طبعا بعيدا عن التربو"
ومتوسط الاسعار دى من 1500 الى 2000 على حسب اللى شوفته على النت
فى كمان فيات 131 - 1300 سى سى تقريبا
فيات 124 - بس مش عارف كام سى سى ولا اعرف سعره
اعتقد من 900 الى 1100 سى سى مش هحتاج تعديلات لان على حسب علمى مواتير 127 والاونو يركبوا زى ماهم بالاضافة الى ان عزم 1100 مش هيبقى عالى قوى
لكن "على حسب مانا فهمت" ان اكتر من كده 1100 سى سى هاستلزم تعديلات بجد واهمها تغيير الفتيس عشان يتحمل عزم الموتور ..
حد بقى عنده فكره عن مواتير تانية فيات برضه ممكن تتسقط وفى ملحوظة مهمه جدا بالنسبة لى ان الموتور التى هايتسقط لازم يبقى بالتابلوه وبالضفيرة عشان عشان القراءات تبقى مظبوطة وطبعا مش كل التابلوهات تركب عندى..وايه موضوع الكربراتير والانجكشن ده .. فى ناس تفضل الكبراتير عن الانجكشن والعكس وفى عربيات ماينفعلهاش الانجكشن اصلا " وبيقولوا" بيعمل مشاكل طالما العربية اصلا "مش متأنجكة"
احيب تنناقش فى الموضوع ده على الرغم ان فى مواضيع كتير عن التسقيط لكن موضوعى محدد فى ماركة واحدة " فيات فقط" فا عايز اوصل لانسب الحلول وافضلها
للعلم انا سواقتى عامةً هادية ومش بسافر كتير ويمكن مش بستعمل العربية اكتر من يوم او اتنين بالكتير فى الاسبوع لكن انا عايز اطور حباً فى انى امتلك عربية محترمة يمكن الاعتماد عليها فى كل الظروف حتى ولو كانت سيات 133... لان مافيش عربية فى الدنيا ماتنفعش تكون محترمة...
و
