[AbOnOrA]

المشاركة الأصلية كتبت بواسطة etsh1413202 اولا تسلم ايدك يا ابو نورا على التقرير الجامد ثانيا : هي ممكن يركبلها تكيف بعد كده ولا ايه النظام وتكلفته كام لو ينفع ثالثا الجنوط ال13 تركب عليها ولا لا

اى عربية ممكن يركبلها تكييف بس الاهم طريقة تركيبة ومدى ملائمة العربية ليه
لازم تشوف لو هيركب هيركب فين والعربية ممكن تتبهدل فى تركيبة وتعمل مشاكل كنت فى غنى عنها علشان كده يفضل ان الواحد يركب تكييف لعربية بيركبلها تكييف ومعروف بيركب ازاى ويشترى نفس التكييف اسيتراد ولا حاجة لكن لو اتسابت للايادى المبروكة بتاعة الصنايعية بتوعنا العواقب هتبقى غير مضمونه

العقبة التانية ان العربيات الحديثة حتى لو المحرك بتاعها صغير بيبقى الكمبيوتر مظبوط على اعدادين واحد والتكييف شغال فبيرفع عدد لفات الموتور لتحمل الحمل الناتج من سير الكمبروسور والمراوح وظبطه تانية اللى هى العادية من غير تكييف
فالحاصل ان اداء المتور هيتغير بشكل سلبى بعد تركيبة لو متظبطتش على يد مختصين

المشاركة الأصلية كتبت بواسطة waleedashoor على فكرة ماروتى ده اسم شركة سيارات هندي ولو تلاحظ الاسم المكتوب على هذه السيارة من الخلف تجد اسم ماروتى فوق واسفله سوزوكي كما ان السيارة من الامام لا تحمل حرف اس علامة سوزوكي الشهيرة وكل علاقة سوزوكي بهذه السيارة ان هناك علاقة تجارية بين الشركتين ولكن مقدار التعاون الفني بين الشركتين لاخراج هذه السيارة غير معروف (على الأقل بالسبة لي)

سوزوكى هى صاحبة التصميم والانتاج الاول وماروتى الهندية بدأت بالتجميع على خطوط الانتاج لانتاج السيارة وخطوط الانتاج كمان لو عايز فالموضوع ميقاسش بالعلامات التجارية فقط والا تبقى لانوس فعلا عربية شيفرولية زى ما عليها العلامة دلوقتى
تصميمات سوزكى الاولى زى الماروتى والنقل الخفيف كانت تصميمات رائدة ومبتكرة فى استغلال المساحات وتقديم ميكنه سهلة الصيانة قليلة الاعطال وده كان ومازال سر نجاح وعبقرية المدرسة اليابانية فى السيارات عموماً

المشاركة الأصلية كتبت بواسطة dr.cheriedelacroix عاوزة اعرف سعر سوزوكى ماروتى جديدة بالتقسيط مع امكانية دفع مقدم 10000 جنية.... و شكرا

للاسف مقدرش افيد حضرتك بالنسبة لانظمة التقسيط ممكن حضرتك تضيف سؤالك فى القسم المختص

المشاركة الأصلية كتبت بواسطة TheQueenMary موضوع جميل جدا و مفيد سؤال : هل الافضل شراء ماروتى موديل 2006 ام شراء 128 موديل 1996 (انا محتاره و لكنى اميل للماروتى حيث انها احدث من 128 و تقريبا الاتنين بنفس السعر ) مع العلم انه يهمنى سهولة القياده يعنى الانعم كدركسيون و فتيس كمان يهمنى اوى انها لاتكون كثيرة الاعطال متعطلش كل شويه ---- أفيدونى بالافضل شكرا مقدما

انا مع الاحدث طبعا لكن الماروتى كمان انعم واقل اعطال لكن الاهم من كل ده ان المستعمل حالة اهم من النوع فاهم حاجة ان حالة العربية تعكس ده