رد: اساس مشكله جوان وش السلندر المتكرره في السيفيا
السلام عليكم
اخي الكريم ممكن تحكيلنا تعليق جمال مهران على عدم حل المشكله عشان نفكر بصوت عالي
وعموما اسباب المشكله ده (سخونه المحرك)من وجهه نظري تنقسم لاحتمالين:
اولااسباب ميكانيكيه:
1-ثيرموستات الكوعه بيعلق(جرب تشيل الثيرمستات)
2-سدد كبير بسبب الصدا في ماصوره المياه الي حولين المتور(فك الماصوره وافحصها او غيرها ب 45 جنيه)
3-تسريب مياه التبريد من اي جزء في دوره التبريد(اغلب التسريب من علبه الرديتر العلويه او من طبه المياه على جنب المتور او من الطلمبه نفسها)
4-ضعف في طلمبه المياه(بيكون صوتها خشن او بتسرب ميه وممكن السير يكون مرخي)
5-الراديتر مسدود من الداخل او من الخارج(افحصه عند بتاع رديترات شاطر)
6-تلف جوان وش السلندر(وغالبا لو ده حاصل..هتلاقي العربيه بعد تشغيلها لمده5 دقايق عدت النص وداخله على الاحمر)
ثانيا : الاسباب الكهربيه:
1-تلف او تهريب في اي جزء في ضفيره المروحه
2-ضعف متور المروحه
3-كتاوت المروحه بيعلق
ودايما خلي بالك ان حراره السيفيا مش بتقل عن الشرطه الي تحت النص
|