أول حاجة عايز أقولها... ربنا يعوض عليك ويبدلك أحسن منها إن شاء الله
بس مع احترامي الشديد لرأي حضرتك... وما تزعلش مني... العربية دي معمولة لفئة معينة من الناس والطرق .. وماتناسبش معظم الناس العادية
ببساطة... العربية معمولة عشان تأدي بثبات عالي على الطرق المستوية.. والفئة دي من العربيات عادة بتكون عفشتها ناشفة جدا... وفي المقابل العفشة الناشفة ممكن تخلي العربية تطير في المطبات مع السرعات العالية... وده اللي حضرتك حسيته لما لقيت العربية عومت في المطبات
لو حضرتك عايز معلومات عن مسألة ثبات العربيات ممكن تدخل على الموضوع ده وحيفيدك كتير إن شاء الله (بس تقراه لحد آخره لإن الموضوع متوزع على كذا بوست):
http://masrmotors.com/vb/showthread.php?t=55877
باختصار... العربية دي تدخل في فئة السيارات الرياضية.. مش السيارات العادية ... يعني لو عندك عيلة أو عايز راحة أو فخامة.. أوعى تفكر فيها، وكونها عربية كوري ده مش عيب فيها... العيب فينا إحنا في الأساس لإننا ما عندناش ثقافة قيادة السيارات والفرق في أنواع السيارات وده اللي خلى غبور ينزل العربية في مصر لأنه عارف إنها حتتباع لمجرد شكلها.
من وجهة نظري ... العربية دي بنتافس عربيات من فئة النيسان Z350 والأودي TT... والمفروض الموتور اللي ينزل عليها يبقى 2500 سي سي على الأقل، واللي يشتريها بيشتريها عشان يدخل بيها سباق سرعة... يعني عنده عربية تانية أكيد.
أرجو إنك ما تزعلش مني
...