[محمد حسن عبد الرحمن]

أول أبارح كنت سايق عربية نيسان صنى الشكل القديم موديل 2013 لسة زيرو الموضوع وما فيه كنت بجرى بالعربية على سرعة 130 على الطريق الدولى وكانت راجع من مطار برج العرب الدولى ويدوب لسه هشغل الأوفر درايف وتم تشغيلة بالفعل أيدى لمست عصاية الدربكوس سهو وتحركت عصاية الفتيس إلى الوضع 2 والوضع 2 ده خاص بالقيادة على المطالع والمنحدرات الجامدة أو قطر السيارات آلخ وده أقصى سرعة ليه 95 كيلو متر بالساعة فتخضدت بشده وقولت فى بالى الدربكوس هيشيع رحت بسرعة البرق حاطط فرامل خطر لدرجة أن الكوتش طلع دخنة بيضاء من كثرة أحتكاكة بالأسفلت .
دلوقتى بقى عايز أعرف.
1- أزاى الدربكوس ينزل من الحارة اللى فيها من غير ما أدوس زر تحرير العصاية ؟
2- أزاى يتحرك من مكانة بدون أستخدام الفرامل؟
3- هل لو كنت كملت مشى بالعربية كان هيعمل حاجة فى الجير بوكس ولا لا؟
4- اللى عملتة ده صح ولا غلط؟
برجاء الأفادة لكى تعم الفائدة على الجميع وعدم تكرار مثل هذه الحركة مرة آخرى.

أخوكو محمد