مبروك عليك يا غالي
وربنا يباركلك فيها و يديك خيرها و يكفيك شرها
المازدا من اكتر العربيات الي بتشد انظاري جدا
بيهتمو فعلا بمعدلات ضغط الهوا بطريقه ممتازة جدا وكل خط بالعربيه له هدف بتويزع هوا العربيه عشان يديك ثبات و استهلاك اقل
اتمني فعلا تكتب تجربتك بالسواقه و المناورات و قدرتها علي الدوران في المنحنيات ب 120 كم/س لان ده لمت ثبات اي عربيه عايز تختبرها فعلا
تنفيذ الاختبار
تبدا الدوران ب 80 و تزود لحد 120 بس الزياده تبقي بسرعه متوسطه وطبعا يكون منحني هادي مش حاد لان ده اختبار صعب و عايز جرأه وتركيز كويس وربنا يسلمها مع الجميع
وفايده الاختبار ده بيظهر قوه ثبات العربيه تجاه اقوي قوه عكسيه و هي القوة الطارده المركزيه ودي اقوي قوه ممكن تحصل
فكره الاختبار
في حاله الزياده عن ال 100كم/س بيتولد قوة مقاوه عكسيه اعلي و مع الدوران في وجود قوة طارده مركزيه وبتزود سرعه فده اقوي اختبار فعليا لثبات العربيه
في حالات العربيات ال ثباتها مش كويس
يا اما العربيه تحدف منك لبعيد او تلاقي جنب من الاجناب بدا يعوم او تحس ان العربيه كلها بتعوم بمعني اصح العربيه بيجيلها حاله من عدم التركيز واول ما تحس باي حاله من دول حزاري انك تفرمل فجأه او تستمر علي كده
ابدا انك تقلل سرعتك بهدوء و عدم خوف
نصيحه مش اي حد يعمل الاختبار ده لان فعلا الغلطه فيه بموته لان كل ما بتزود بتاخد جرأه فحزاري
بعد نتائج الاختبار ده لبعض العربيات
الانسر 2009 ====> 125 كم/س
تيوتا كرولا 2010 ====> 140 كم /س
الفرنا 2009 ====> 95 كم /س
مرسيدس عيون 2008 " مش عن تجربه شخصيه " ====> 170 كم/س
بي ام 95 ==== > 150 كم/س
المازذا 2010 " مش عن تجربه شخصيه " ===> 130 كم / س
الاسبرانزا 516 2010====> 120 كم /س
الاسبرانزا ام 11 2010====> 135 كم/س ووصلت معايا ل 150 كم/س في حاله تهويه الكاوتش ل 27
الاسبرانزا 113 2010 ====> 110كم /س
وفي عربيات كتير بس دول الي قدرت فعليا اجربهم وكلهم تقريبا في نفس الظروف وبنفس المنحني
وبحذر بجد من اي حد يعمل الاختبار ده
ومعلش اني كتبت عن الاختبار لانه حاجه مهمه لاي عربيه و لازم ناخد بالنا منها
وبكرر الف مبروك