[د0تامر محمد]

تابع حكايات مع المرور
-----------------------
* كنت أقود سيارتى اللانوس منذ سنوات عندما أستوقنى رجل المرور فى حملة ضخمة لم أشهدها من قبل لرؤية الرخص وأخرجت له رخصة القيادة والسيارة عادى جدا وإذ به يطلب منى البطاقة الشخصية !
طلبه هذا أستفزنى جدا !
قلت له :
- ليه ؟
قال ببرود:
- لو سمحت البطاقة
ولم تعجبنى طريقته فى الكلام !

قلت منفعلا :
- هوه فيه أيه ؟
أنت راجل مرور ولاّ مباحث ؟

إحتفظ ببروده وقال:
- إركن على جنب

ومن حسن الحظ أنه كانت معى بالسيارة شخصية مرموقة ويخشى جانبها وقد أستفذ الرجل جدا وقال:
- الولد ده باين عليه عايز يتربى
خش فيهم شمال ومالكش دعوة

ونزلت بجرأة - وهى عادتى - ولكن بوجود هذا الرجل أصبحت جرأة واثقة !
قلت بثقة :
- أيه المطلوب ؟
- اللى سمعته البطاقة
قلت بغضب:
- إتكلم كويس وأعرف أنت بتكلم مين ؟
فين الظابط بتاعك؟
وذهبت للضابط الذى يضع ساقا على ساق :
- حضرتكم مرور ولا مباحث
قال دون أن ينظر لى :
- فيه أيه عامل دوشة ليه ؟
صدمتنى الكلمة:
- دوشة ؟
وقبل أن أدخل فى حوار جاء مرافقى وقال:
- من أمتى المرور بيطلب بطاقة شخصية ؟وإن طلب يبقى سعادتك يعنى ظابط على الأقل

نظر إلى مرافقى بقرف وقال:
- مش انت اللى تعلمنا القانون وإيه اللى ينطلب ؟
قلت نفسى :
- رحت ف داهية يا بأسلوبك ده
قال مرافقى الكبيربغضب شديد :
- نزل رجلك وقوم وأنت بتكلمنى

تبرجل الضابط وتلون وجهه خاصة بعد أن كشف مرافقى عن شخصيته فقام منتفضا

قال مرافقى:
- الكرسى الخشب اللى أنت قاعد عليه مش ح تلاقى رجل منه وأنت قاعد على الحدود

قال منزعجا : ياباشا00
وتركه مرافقى وأمرنى بالإنطلاق وهو يتوعده

وعلى عكس هذا الموقف كان موقف آخر وضابط رتبة كبيرة محترم جدا

تتبع