رد: مركز فريد شوقي
انا كان عندى ملحوظة على المركز ده ومش عارف ان كانت سلبية ولا ايجابية
مع كل التقدير والاحترام للاستاذ فريد شوقى لاهتمامة لما كلمته فى التليفون
روحت يوم الجمعة بعد الصلاه حوالى الساعة 1:30 وسألت عليه واحد شغال هناك قالى انه بييجى الساعة 5:00م وانا كنت جايله من امبابة طبعا مشوار عشان اروح وارجع تانى
فقالى فى صنياعى اسمه( بيسو) هييجى كمان(ربع ساعة) واخدت رقم تليفونة على امل انه ييجى بعد ربع ساعة فعلا قولت اضيع وقت لغاية ما ييجى واروح سوق السيارات جنبهم واتصلت بيه حوالى الساعة 3:45 قالى كمان ربع ساعة واوصل (هى الربع ساعة بقت كام دقيقة دلوقتى!!؟؟)
المهم روحت ع الساعة 4:30 لقيتة قولتله عاوز تشوفلى كذا وكذا وعاوز اعمل كذا وكذا
قالى: (اكتب لى كل اللى انت عاوزه فى ورقة وسيبها وتعالى خدها بالليل او بكرة)
هل ده كلام منطقى؟؟؟ انا اعرف انى اكتب اللى انا عاوز اعمله عشان مانساش اقول له عليه لكن مش بشترى تصليح دليفرى وبعدين المفروض انه يبص ع العربية الاول ويجرب ويشوف ويحكم بنفسة مش يفسر الاعطال( بقيقى كده) لانى بسأله على عوامة البنزين مش مظبوطة قالى تتغير امال انا جايلك ليه مش عشان تصلح اللى المفروض يتصلح ده غير ان بعض قطع الغيار مش متوفرة عنده وهيجيبها من المخزن تانى يوم
وبفرض انه صلح المطلوب ورجت استلم لقيت المبلغ المطلوب اكبر من المتوقع اعمل ايه فى الوضع ده؟؟؟؟
مش المفروض انه يشوف ويبفحص ويقدر قيمة تصليح العطل واما اقبل او ارفض؟؟؟
ع العموم الكلام ده كله كان مع احد افراد المركز واللى حسيت انه مش عايز يشتغل فى عربيتى وخصوصا ان كل الستروين اللى هناك موديلات حديثة فا مش عايز يبهدل ايده فى موديلات قديمة
طبعا كل ده ومكنش الاستاذ فريد المحترم موجود
مجرد رأى او موقف حدث حبيت انى اذكر فقط
وكانت النتيجه انى مشيت ومافكرتش اروح له تانى
لان مكان الصيانة ومقابله الصنايعى بتبقى انطباع اما انك ترتاح وتحس بالاهتمام او تحس باللامبالاه( والتنفيض) وانا بصراحة مارتحتش للانطباع ده
مع الشكر لاهتمام الاستاذ فريد من خلال مكالمة تليفونية
|