السلام عليكم
يللا نشوف ايه الجديد واخر التطورات
اثناء التفنيش وملاحظة الحاجات الدقيقة اكتشفت حاجات صغيرة كده بس فى مجملها مهمة
وانا اعتبرتها تحت بند المشاكل اللى محتاجه للتعامل معاها وحلها
تعالوا نعرف ايه
الفسافيس دى واتغلبنا عليها ازاى (وطالما فى دمااااااغ يبقى ان شاء الله فى حلوووووول)
بسم الله نبدأ
عايزين نظبط العلامات القديمة اللى بتبقى على شنطة العربية بتاعة الماركة واسم الموديل ..
وكده خلصنا من تظبيط الكلام
نيجى بقى لجزء مهم جدا جدا جدا بالنسبة لى ألا وهو الزراير اللى فى الفرش (الله يسامح السروجى) طبعا بعد شكلها العااااار اللى هتشوفوا دلوقتى حاولت بقدر الامكان الحد من العفاشة والوحاشة والبشاعة لشكل الزراير خصوصا فى باب السواق اللى فى اضافات زراير الزجاج الخلفى طبعا على قد ماقدرت
ملحوظة:تخيلوا ان الوحدة اللى كنت بدور عليها(مجموعة زراير الزجاج الاربعة والسنتر مع بعض) وماكنتش لاقيها وسألت عليها تقريبا كل محلات التوفيقية جديد واستيراد وبرضه مالاقيتش
تخيلوا بقى لاقيتها عند واحد بتاع قطع غيار عادى جدا جدا جدا وفين فى الشارع اللى ورايا بس انا ماكنتش متوقع الاقيها عند الناس دول وطبعا لانى تعاملت مع المشكلة بنفسى زى ما هانشوف ماسألتش على سعرها وصبرت نفسى بإن اللى عملته برضه مخلى الباب على اصلة وخصوصا ان زراير الزجاج الامامى اوريجينال بتاع الـ AX والاثنين الزيادة بتوع الزجاج الخلفى كنت جايبهم من التوفيقية عاديين الواحد بـ 4 جنية اما زرار السنتر فا ده بتاع ستروين برضه مش فاكر اكسارا ولا C حاجه
واتفضلوا شوفوا
ولغاية ما خلصت العزل ده كنت خلصت وتقريبا قعدت طول النهار فى عمل وش للزراير وبطانة الكبوت
بالنسبة لوش الزراير دى برضه سألت عليها عند بتوع قطع الغيار ومالاقيتش وقولت لعل وعسى الاقيها جاهزة لكن قدر الله وما شاء فعل وعملت اللى عملته اضطرارا مش اختيارا
ايه رأيكوا فى النتيجة؟؟؟؟
احنا لسه ماخلصناش
واللى عطلنى دلوقتى وحاليا عدم وجود الكاميرا اللى كنت بصور بيها معايا
لان فى حاجات لازم تتصور بالليل خاصة بالاضاءة وشغل الكهرباء ومستنى لما اجيب الكاميرا واصور الشغل ده فيديو طبعا عشان يكون اوضح
بالنسبة للشكل الخارجى اللى خلص ولله الحمد فاضل فيه حاجه صغير كده (التشميع) عشان نشوف مع بعض على نظافة وده متوقف على مكان ضل ومن غير تراب ان شاء الله لما اروح امبابة اخلصة
وكمان فى حاجه كده طلبتها من الكهربائى يجيبهالى (من ضمن الكماليات ويعتمد عليها كأساسيات برضه) اول ما يجيبها هاركبها عشان تبقى الصور كلها مرة واحد واخيرة وان شاء الله الشكل النهائى هايعجبكم
انا عارف انكم زهقتوا منى وعايزين تولوعوا فيا بس انا مش بشوقكم ولا بعلقكم لا والله ده فعلا غصب عنى
وكمان انا مستعجل اكتر منكم على عرض الصور النهاية عشان نفتح مشاركات النقاش والردود
ان شاء الله هانت والصبر اخرته خير
تابعونى ......................... .........