رد: حصريا و فقط على مصر موتورز تقرير كامل و بالصور و الفيديو عن اسبيرانزا تيجو من المصريه للسيارات
بالنسبة للعيوب الى حضرتك ذكرها ..ليا تعقيب عليها
* كل حاجه فيها عاوزه الرزع زى ما انا موضح فى الفيديو من ابواب و كبوت و كل حاجه
مع الوقت والاستخدام...الابواب والشنطة وكل حاجة بتلين وبتقفل بسهولة والكلام دة عن تجربة
* ازرار التكيف مش عمليه خالص و فى اى وقت ممكن تبوظ
يعنى اية مش عملية!!!!!!! ويعنى اية فى اى وقت ممكن تبوظ!!!وحضرتك عرفت منين اصلا انها فى اى وقت ممكن تبوظ... مع العلم ان مفيش حد اشتكى قبل كدة من الموضوع دة
* من كلام ملاكها الفتيس الاوتوماتيك فيه شويه مشاكل
مجرد مشاكل طفيفه وتحل بسهولة .. ودة كلام 2 ملاك اعرفهم
*الفتيس المانوال بيبقى فيه عضه فى الغيار الثانى
كلام ليس له اى اساس من الصحة
* خامات التابلوه مش كويسه قوى رديئه
كلام ليس لة اساس من الصحة... الخامات محسنة فى موديلات 2011 و 2012 ... بعدين حضرتك عرفت منين اصلا ان الخامات رديئة!؟
* الكراسى الخلفيه ساعات بتزيق لما بتجلس عليها
ممكن يكون الكرسى فيه حاجة مش مضبوضه او مش راكب كويس ...لكن فى النهاية دة مش عيب اصلا فى العربية بشكل عام
العربيه سعرها عند البيع بيقل باسعار خياليه جدا جدا
سعر البيع بيتحسن تدريجيا مع الانتشار الرهيب للعربية ..... ولو قارنتة مع باقى اسعار بيع السيارات الاخرى هتلاحظ ان الفارق مش كبير زى ما انت متخيل
.... وفى حاجة تانية السرعة القصوى الى انت كتبها غلط خاااالص
ان سوقت التيجو ال 1600 وكنت جايب 180 والعربية كانت هتجيب اكثر من كدة بس الطريق ماسمحش
وفى النهاية احب اقول لحضرتك ان العيوب الى حضرتك ذكرها فى الموضوع مش عيوب اصلا
و احب اشكر حضرتك على التقرير والمجهود المتميز
التعديل الأخير تم بواسطة mostafa mamdouh ; 19-01-2012 الساعة 02:13 PM
|