فعلا لو طنابير اللانوس هى هى طنابير الماتيز دى تبقى سلطه
وبعدين انا لما قلت ان التعديل يستحب انه يكون للافيو ده لان كل الناس بتشكر جامد فى فرامل الافيو لكن لو هى عملية صعبة وفى بديل ليها وبيدى نتايج جيدة يبقى على البركة
بس الحقيقة انا لسه جايب ماستر فرامل عمومة جديد ب 450 جنيه وده كان بعد مشاوير للميكانيكة وبتوع الفرامل وكل واحد يقعد يفتى شوية والفرامل كانت بتتصلح يومين وبعدين ترجع ريمه لعادتها القديمه وبعد ماغيرت الماستر فضلت برده الفرامل فى البايباى وفى الحقيقة انا صعبان عليه المصاريف دى كلها وكمان غير مصاريف التعديل .
|
لتعديل بمنتهى البساطه اننا حنركب الاتي :
1- تركيب طنابير اوبل فيكترا
2- تركيب كاليبرات دايو اسبيرو
3- تركيب تيل دايو نوبيرا
4- ماستر نوبيرا مقاس 22
انا عملت الموضوع ده في عربيتي والنتيجه هايله ووهميه واتكلف بالترتيب كالتالي :
1- طنابير اوبل جديده ماركة ليمفورد ب 300 جنيه
2- كاليبرات دايو اسبيرو استعمال خارج ب 150 جنيه
3- تيل نوبيرا ب 70 جنيه
4- ماستر نوبيرا استعمال ب 140 جنيه
والمصنعيه عباره عن حل وتركيب بدون اي تغيير والميكانيكي اخد تقريبا 100 جنيه مش فاكر بالضبط لأن الموضوع ده من مده
طبعا انسب الفضل في الموضوع ده لكل من م.ممدوح و عصام غنايم
|
مدام سيادتك غيرت الماستر يبقى ممكن متغيروش مع التعديل اللي انا قولته لأن ماستر النوبيرا بيفرق بس في مشوار بدال الفرامل
لكن عموما التعديل ده بيفرق كتير جدا في العربيه لأن طنابير الاوبل وكاليبرات الاسبيرو اكبر في الحجم وبالتالي حتفرق في الفرامل
هي المشكله الاكبر في التعديل اللي انا بقوله لحضرتك انك لازم تغير الجنوط بتاعة العربيه لأن الجنوط 13 بتوع العربيه مش حينفع يتعمل معاهم التعديل لاننا كبرنا الطنابير والكاليبرات والتالي مش حتركب الجنوط بعد التعديل
في عربيتي انا كده كده كنت مجنط العربيه لجنوط 15 وبالتالي كان الموضوع عندي سهل وبسيط
ملحوظه : ممكن سيادتك تدور على النت على تعديل فرامل اللانوس وحتلاقي ناس كتير عامله التعديل اللي انا قلت عليه وبيشكروا فيه جدا
اقرأ الموضوع ده
http://masrmotors.com/vb/showthread.php?t=26737