المشاركة الأصلية كتبت بواسطة islam_galal
تقليل درجات التقييم متعمد لتقليل الخطأ الناتج من أن بعض الناس تميل لوضع تقييمات متفائلة و العكس
برجاء المشاركة ممن يتعامل بشخصه مع الوكيل لضمان نزاهة الإستطلاع (شكرا)
|
المشكله مشكله انسان مش مكان ولا ماركه ، الرينو ماركه لاغبار عليها ايا كان راى من يملكها او لا ويكفى مكاناتها فى فرنسا واوروبا ، ولكن مشكله بلدنا اننا كلنا مقيمين ومفتيين بخلاف الطرق المهم ارجع لمشكله الانسان :
انا كان عندى لانسر بعتها وقلت اغير ووقعت فى الرينو والله بحبها بس كرهونى فيها ، اول مره رحت التوكيل موظف الاستقبال قالى "لما اشتكيت من ضعف التكييف" اوعى تفتكرها زى اليابانى لانها اضعف . بالله عليك دا كلام ، طيب اقوله ايه غيرهالى ولا فكهالى تكاتك.
اكم من مره اذهب واطلب صيانه لاشياء معينه اعتقد انهم بنهايه اليوم عملوها اكتشف انها لازالت قائمه ، معلش يمكن نسيوا وافتكروها مرسيدس وجت غلط.
كنت فى التوكيل اخر مرة من شهر تقريبا ودفعت 2000 جم وبعدها باسبوع تعرضت لعده مشاكل غريبه شكيت ان الكمبيوتر ضرب وفى الاخر ثبت انها البطاريه ، الله، هو انا كنت فى توكيل ولا مفرخه.
وايضا اكتشفت فى اخر زيارة فى توكيل المقطم ان الباكت الاسمر فى الاكصدام الخلفى حدث به تمزق داخل الورشه ، واحمد ربنا انهم اعترفوا به ، بس المهم انهم غيروه بواحد مستعمل لما خرجت اكتشفت انه بدرجه لون مختلفه المهم: لما هما بيستخدموا المستعمل امال هرينا استبدال ليه - وهحيلكم قصه الاستبدال دى - ثانيا هما جابوا منين الباكت المستخدمه دى وخلعوها ليه من الزبون التانى ، هو فيه ايه.
بخصوص الاستبدال - اصطدمت ربنا يكفيكوا الشر ب كلب - اه ابو عضم ناشف دا - تخيلوا وقع الشبكه وكسر قواعد الردياتير - على فكره هما رجلين ضغيرين كدا زى القلم الرصاص اتقطموا بس الردياتير سليم وما بيخرش ولا حاجه قالوا لى لازم يستبدل قلت يااخوانا ما بيخرش قالوا هوا كدا ، قلت جايز الخواجه مفهمهم كدا ، قلت له طب ياريت تفك القديم كويس وبالراحه كدا ، جايز قلبى يجمد وابطل توكيل قدام ما سمعش الكلام ودمره الله اعلم جايز اتغير زى الباكيت بتاع صاحبنا
طيب لما انتوا بتستخدموا القديم - زى الباكيت كدا - ما كنتم صلحتوا الردياتير او كنتوا سيبونى اصلحوا برا - لا اوعى العربيه تبوظ وتتعفرت وتخرج برا الضمان
عارفين احسن حل
انا سبت العربيه فى الجراج وهوديها كل فترة التوكيل للصيانه فقط واديها تاكسيات
وسلملى على التوكيل لما يكون مصرى فى مصر وبه مصريين
MMMMMMMMMMMMMMMMUUUUUUUUU UUUUUUHHHHHHHHHHH:crazyW1 4:
