المشاركة الأصلية كتبت بواسطة tifa_dear
انا عايز اعرف استعمل شل الاحمر ولا الاصفر عشان مضرش الموتور بعد العمره
|
واضح إن حضرتك ما قريتش الموضوع والتعليقات اللي عليه كويس
عموما:
حضرتك بتتكلم في عربية موديل 77 ، والزيت اللي مكتوب في كتالوجها أكيد ما بقاش موجود في السوق حاليا لإن شركات البترول في مصر والعالم كله بطلوا يعملوه من سنين، وأي زيت موجود في السوق حاليا حيبقى أحسن بمراحل حتى ولو كان أرخص زيت من بتاع التعاون أو مصر للبترول.
على فكرة أنا لما باشتري زيت للعربية... مش ببص على الماركة ولا لون العبوة ولا عدد الكيلومترات اللي مكتوب عليها.... المهم يبقى زيت الكود بتاع الـAPI بتاعه أعلى من اللي مكتوب في الكتالوج، ولما باستخدمه أنا كده أكيد بحافظ على الموتور مادام الزيت ما فقدش لزوجته
أنا غرضي من الموضوع إننا نبطل نسمع كلام من الناس ونبدأ ندور على المعلومة بنفسنا...
لما تشتري الزيت دور على كود الـAPI واتأكد بنفسك ، لإن مفيش علبة زيت مش مكتوب عليها الكود ده،...
ولو ما لقيتوش ما تشتريهوش... وصدقني مش فارق ماركة الزيت نهائي..
...