[adham.com]

المشاركة الأصلية كتبت بواسطة cmatcho معاك انا باتكلم عن حد نفذها هنا في مصر في عربيته ونتاكد منه بعد التجربه ان العمليه مالهاش اي تاثير سلبي علي عربيته

هو لازم يكون حد نفذها في مصر عشان نقول أه دي حلوة أو وحشة
هل الأجانب لا تكفي تجربتهم
من مصلحة الصانع إنه يخليك تقول الكلمة دي (هل حد نفذها في مصر عشان أثارها الأيجابية و السلبية)
أو بمعني أخر من مصلحة الصانع إنه يخليك ماشي علي مبدأ (إللي نعرفه أحسن من اللي مانعرفهش)

لأنك لو عرفت الأفضل دائما و شغلت دماغك مثلا يبقي الخواجة هيعلن إفلاسه
إنما طول ما إحنا ماشيين علي مبدأ (إللي نعرفه أحسن .....) .. إذن الخواجة مبسوووووط جدا

أنا عن نفسي الموضوع دة هعمله بمشيئة الله إن آجلا أو عاجلا بإذن الله حسب السيولة المادية
لأن الفكرة دي بتتكلف شوية عشان تتعمل

يا راجل دة كفاية أوي إنك هتفرك بالعربية براحتك و تاخد ملفاتك بأقصي سرعة براحتك علي مستوي عالي من الأمان ...

وداعا من القلق علي الكبالن و فرك البلي و الطقطقة
ووداعا أيضا للمنظر المعتاد دة إللي بنشوفه كل 3 شهور أو كل 5 شهور مثلا



كام مرة نزلت إشتريت كاوتشة كوبلن و أفيز كوليه و انت مش طايق نفسك
و يا سلام لو عفشجي قالك عايزين كيس شحم ي أستاااااااااااذ
و الله حصلت معايا مرة




شوف بقي إنت كام مرة بتغير كاوتشة الكوبلن
و شوف كام مرة العفشجي بيحط لك شحم جديد علي شحم قديم ناشف من التراب
دة حتي العفشجي مش هاين عليه يقولك هاتلي لتر بنزين أو جاز عشان أغسل لك الكوبلن و أشحم علي نظافة

شحم جديد علي قديم و الزبون لامؤاخذة ((بيلبس)) و يمشي و ييجي بعد شهرين ثلاثة يسمع طقطقة من الشحم الناشف و الخشونة ... برغم إنه محافظ جدا علي العربية في الملفات

شوف شوية صور كمان أهيه قد تكون لها علاقة بالموضوع