المشاركة الأصلية كتبت بواسطة ezzat2002mo
هو بصراحة مش رزع ده صوت عامل زى كان فى ظلطة صغيرة فى الكاوتش وبعد لما مشيت بيها شوية الصوت مش واضح والحمد لله
انا مع حضرتك ان الواحد يتعلم لكن انا ساعات بحب العب فى حاجات شغالة وبدون تكوين فكرة واضحة عن اللى بعملة وكمان الاعراض اللى ممكن تسببها
سؤال اخير انا متعود اغير زيت موبيل 3000 كم للنيسان واليارس وقمت مغيرة للالتو هل الزيت مناسب ولا اللزوجة بتاعتة زيادة وكمان كام لتر للالتو لانى حطيت 3.5 لتر مع تغيير الفلتر
وشكرا
|
لازم حد يعرف يسمع الصوت علشان يعرف اذا كان رزع فى الكرنك و لا لأ ... خليه فى بالك ... و تابع حالة الزيت و مياه التبريد و اى اصوات تحصل فى العربية
موضوع انك تصلح حاجة بنفسك ... ده موضوع كبير جدا ... مش اى حد يقدر يربط بين الحاجات .. و طريقة عملها .... و عنده صبر و قدرة على التفكير ... و حط فى دماغك ... ان الواحد بيفضل يتعلم دائما ... و فيه ضريبة للتعلم ..... محدش بيتعلم ببلاش
موضوع الزيت .... افضل زيت لمحرك عربيتك الى مكتوب فى الكتالوج ... لو معندكش الكتالوج ... ممكن تدور على النت لغاية لما تعرف .. و المحركات بتختلف فى لزوجة الزيت المناسبة و كمان فى كمية الزيت المناسبة
نقطة مهمة فى موضوع الزيت ..... حط الزيت الى لزوجته متوافقة مع الكتالوج .... و كمان مستوى الخدمة ..... تانى حاجة تدور عليها .... اسم الشركة المصنعة .. سواء اذا كانت شل او موبيل او توتال
بالتوفيق