المشاركة الأصلية كتبت بواسطة mostafa abdelfatah
طيب انا سمعت ان ماتوور الالفاروميو فى مشاكل عشان بيسخن جامد جدا ومش مؤهل لجو مصر الحار المعلومه دى صح ولا غلط
ولو غلط ايه احسن الموديلات ليها فى حدود 50.000 جنيه.
وكنت عايز اعرف اخبار العربيه دى وهى ولا الكرايسلر نيون
|
بص انا معايا 146 موديل 96 بوكسر طبعا العربيه دى اوربى فالماتور بيسخن شويه لكن التبريد بتاعها برضه كويس لو الدوره بتاعتها تمام
وتمنها تقريبا من 35000 الى 40000 حسب الحاله والكماليات
اللى معاك يجيبوا 156 ودى عربيه تحفه بس اختار حاجه متكنش متهانه يعنى بص عليها كويس واعرف انها صعب بيعها يعنى لو مش هتتاجر فيهم زىى وعايز تركب صح ماشى يبقى 156 موديل 2000 او 2001 على حسب واتعلم تشغل ايدك فيها يعنى اتعلم عنها كل حاجه علشان هتتجوزها بالعربى بس فعلا 156 دى تحفه
قطع الغيار لو انتا ساكن فى القاهره سهله عليك لو فى المحافظات يبقى لازم تنزل القاهره تشتريها ومش اى ميكانيكى يشتغل فيها
قطع الغيار غاليه بس معمره بالنسبه لل156 اما ال146 قطع الغيار رخيصه طبعا بس مش منتشره 4 او 5 بس اللى بيشتغلوا فيها ال156 قطع غيارها اغلى شويه والماتور التوين اسبارك حلو بس قطع الغيار غاليه لكن معمره
واى حاجه عايز تعرفها تانى