رد: اسعار قطع غيار اوبل فيكترا b بناء على طلب الاعضاء
يا جماعة دى أسعار أنا جبتها من امريكان ستار اللى فى شمبليون
خرطوم باور رئيسى 500 (برازيلى) عشان المانية ما بتعملش قطع غيار للعربية الفيكترا B
غطاء سماعة أمامى (مش متوفر دلوقتى)225
غطاء سماعة خلفى (بردة مش متوفر دلوقتى)185
كفر مرايا (45 الى 50)
وكنت عند محل زجاج سألت عن زجاج باب السواق قالى 130
وانا راجع فوت على هانى أوبل اللى فى كفرطهرمس عشان أسال على خرطوم الباور إستيراد قالى 700 جنيه المانى وهفكه أدامك من عربية.
وكملت أحمد أوبل اللى بعد هانى أوبل وانت طالع على فيصل وسألت على المرايا الكهرباء للفيكترا قالى 250 من بقه من غير ما أفاصل معاه (لانى مكنتش محتاج غير الخرطوم بتاع الباور بس وحبيت أرخم عليهم)
وبالمرة كان لمبة الفيتيس الاوتوماتيك (لمبة التشيك) كانت بتنور مع المطبات رحت كشفت عند عباس وطلع الفيشة كانت مش راكبة كويس جاب اسبراى تنظيف ونظف الفيشة عشان يركبها على نظافة وجاب اففيز ربطه على الفيشة عشان متفكش من المطبات (أصلهم بيركبو الغاز عندنا فالشوارع كلها مطبات وحفر ومواسير ضاربة بعيد عنكو) خد 75 جنيه عشان الكشف ب50 جنيه لوحده
المهم اللى عايز يروحله هو الشارع اللى قبل مرور عين الصيرة وانت جاى من صلاح سالم (ادام الباب الرئيسى بتاع جنينة الفسطاط أخر الشارع فى الوش هتلاقيه )
وأى حاجة تانية هسأل عليها هبقى أكتبها هنا
معلش وجعت دماغكو
__________________
إنا لله وإنا إليه راجعون (يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً) لن أنساك أبدا رحمك الله يا أخى (خالد خليفة) أرجو منكم قراءة الفاتحة
|