الكشف على زيت محرك السيارة بوضوح فى نقاط مبسطه لمبتدىء
1- اطفىء المحرك لمدة نصف ساعة (لازم تكون العربيه مش دائرة )
وبالتالى اما انك تختبره اول اليوم قبل ما تدور العربيه كده تمام
او لو العربيه كانت دائرة يبقى تطفي الموتور وتستنى ربع الى نص ساعة وبعد تبداء الكشف
# السبب فى كدة ان الزيت والمحرك شغال بيبقى متغلغل فى كل المحرك ودورة التزييت شغالة فلازم توقف وتديله فرصه يترسب فى مخزن الزيت (الكرتيرة) فتقدر تقيسه
2- افتح الكبوت ودور على عصايه الزيت
غالبا عباره عن مقبض بلاسيتك صغير جمب غطاء الموتور
3- نظف عصايه الزيت
بننظف اثار الزيت من عليها علشان ناخد قرايه سليمه وندخلها المجرى بتاعها تانى
4- اعد ادخالها للنهاية ثم اسحبها
ولما بنسحبها بنشوف الزيت غطى قد ايه من العصايه وبنقارنه بالموشرات اللى بتبقى على العصايه
المفروض نكشف على زيت محرك السيارة شهرياً
ولما بنكشف بناخد بالنا من الاتى
1- منسوب الزيت مقارنة بالعلامات
2- حاله الزيت من لون ولزوجه
اتمنى اكون افدتك وقولنا عملت ايه وشوف الصور والفيدو
