سلام عليكم
ازيكم يا رجاله
بدون رغى و تحوير ندخل على الكلام الكبير
كتير مننا ميعرفش مين سابو هاشم أو المهندس شريف شاكر مع انو من أقدم الأعضاء هنا بس بسبب شغله و سفره الكتير فتواجده قليل
المهندس شريف شاكر من أكتر الأعضاء هنا اللى عندهم خبره فى التعديل ده غير انه بيطبقه عملى و اللى يدور شويه هيلاقى موضوع باسمه عن كيفيه استخراج أقصى قدره حصانيه من محرك 1600 ستوك بدون توربو و انا شوفت العربيه دى بنفسى بس هوه باعها بعد ما وصلها تقريبا ل 300 حصان لو ذاكرتى سليمه
الموضوع بأه ان مشروع المهندس شريف الجديد مش عربيه ستوك و لا موتور ستوك
هى العربيه نص ستوك
يعنى الستوك بتاعها كافى انو يخليها عربيه سوبر
الوحش الجديد هو الميتسوبيشى لانسر ايفوليوشن الجيل الرابع
موتور 2000 توربو قادر على توليد 276 حصان و ده الستوك بتاعه مع العلم ان وزنها بكل التجهيزات يصل الى 1350 كجم
المشروع لسه مخلصش بس العربيه حاليا وصلت قوتها الى 450 حصان فقط لا غير
و الخطوه القادمه ان شاء الله هتكون انها توصل 700 حصان
قولو ما شاء الله
شريف بما انو صديقى و نظرا لانشغاله حاليا طلب منى انى اعمل موضوع اهداء لمصر موتورز عشان هوه بجد مش فاضى بس ان شاء الله هيكون معانا فى افطار رمضان و أنا عن نفسى كل اللى هعمله انى أقدم لكم اهداء شريف و اترك ليكم الحكم
بس عشان خاطرى قولو بسم الله ما شاء الله
ههههههههه
الصور :
أنا عن نفسى مش هقدر غير انى لأقول
بسم الله ما شاء الله
ربنا يباركلك فيها يا شريف يا حبيبى
مستنى ردودكم