رد: تجربتى الشخصيه فى تنظيف المحرك من الداخل
مع احترامي للجميع فلي بعض الملاحظات التي يمكن ان نوجزها في الاتي :
1- شكرا جزيلا لصاحب الموضوع و يجب ان نحييه لنقل التجربه بصرف النظر عن جدواها من عدمه
2- اشكر كل من ساهم و اضاف او انتقد
3- سؤال غريب شويتين : هو ايه الهدف من تنظيف الموتور اصلا ؟ صوت انعم ؟ حرارة اقل ؟؟
- ممكن
لكن الاهم في جدوي الموضوع هل تحسن عزم الموتور او قل استهلاكه ؟؟
انا عايز امثل نقطة صغيره اوي
واحد عنده القلب و الكليه و الدم بايظيين من التلوث و الميه الملوثة و الكيماويات المحيطه
ودينا اسبوع في احسن مستشفي في العالم
بقي تمام و قلبه و كليته و دمه رجعوا احسن من الاول
رجع تاني للبيئه الاولي ايه اللي هايحصله ؟
هايرجع اسوء من الاول عارفين ليه ؟؟؟
لانه لما كان تعبان جسمه تأقلم علي كده و ماشي و ربنا ساترها
لكن لما جسمه حس بالنضافه رفض الوضع اللي كان اصلا عايش بيه
و دي حقيقه علميه علي فكرة اسمها ( التعاطف الجسدي ) و اللي رسولنا الكريم قالها من اكتر من 1400 سنه ( اذا اشتكي عضو تداعي له باقي الاعضاء بالسهر و الحمي ) او كما قال صلي الله عليه و سلم
و صدقوني فيه حاجات كتير اوي بتبقي متنيله بنيله ( اسف علي اللفظ بس مفيش غيره ينفع ) و ماشيه و اول ما تنضفها تبوظ و اكيد كلنا مرينا علي حاجات كده
عموما اكرر شكري لصاحب الموضوع لتجربته شئ جديد بيفتح افاقنا بيه و لكل المشاركين
و تقبلوا اعتزاري اذا كان كلامي سلبي بعض الشئ
|