رد: احذروا من الحرامى مرتضى لتجاره سياره المعاقين بالاسكندريه
اولا ربنا يعوض عليك
ثانيا مع كامل احترامى لاراء الاعضاء السابقة بس انا من واقع امتلاكى لواكتفيا اتوماتيك العربية دى اهم حاجة حالة الماتور والفتيس انما حالة الصاج وراشة ومش راشة مش مهم لانة ممكن معاجتة على مهلك او براحتك والسمكرة والدوكو السعر معروف ومفهوش لف وعك انما الميكانيكا والفتيس خد عاندك بقى اصل مش عارف اية بايظ ادفع ..اصل مش عارف اية بيجيب زيت ادفع ...اصل المكنة عايزة طقم شنبر ادفع وياينفع يا ماينفعش والمكنة عايزة تتعمر وغالبا ما بتتعمرش وتروح تجيب ماتور استيراد ...دة غير لو فى مشكلة ومحدش عارف يشخصها ...اة خد من دة كتير انما شغل السمكرة والدوكو سهل ...انا بحكيلك من واقع مشاكل حصلت معايا فى عربيتى نتيجة انى وانا بشترى كنت مهتم ان العربية تكون فابريكا برة وجوة انما موضوع الميكانيكا مكنتش مركز قوى
وربنا معاك
|