مشكلة فى فتيس الماتريكس
السلام عليكم ورحمة الله
الاخوة الكرام فى المنتدى سيارتى موديل 2011 وعاملة 13000 كيلو حتى الان مشكلتى تتلخص ان احيانا السيارة ماتنقلش يعنى الاقى السرعة بعد ال80 ال rbm بيعلى ويعدى ال 4000 . الحقيقة اناكتبت مشكلتى قبل كده واحد الاعضاء جزاه الله خير نصحنى انى فى الحالة دى ابطل العربية وادورها تانى وفعلا لما اعمل كده الاقى العربية رجعت تمام .
لكن مؤخرا كنت راجع من القاهرة وماشى على 100 تقريبا فجأة لقيت نتشة فى العربية وراح ال rbm طالع لفوق . طبعا وقفت وبطلت ودورت تانى وكملت عادى لكن الحقيقة انا ابتديت اتضايق وعاوز اعرف اعمل ايه
هل اطنش وخلاص وهل ده فيه ضرر للعربية او يسبب حوادث مثلا.
انا بحثت على المنتديات لقيت المشكلة دى عند كذا واحد والوحيد اللى حلها لقى ان فيه حساس على الفتيس اسمه اوت تيوب ولما غيره بقت العربية تمام
انا مش عارف اعمل ايه ياريت حد يفيدنى وشكرا مقدما
__________________
لا اله الا انت سبحانك انى كنت من الظالمين
|