رد: صيدليه مصر موتورز
ليه في بدايل أغلى من بعضها بكتييييير ؟؟؟
بص يا سيدي ...
أي شركة بتخترع دوا جديد ، عشان توصل للتركيبة المثالية للدوا بتاخد سنين من الأبحاث ممكت تعدي عشر سنين، وبتصرف ملايين الدولارات على الأبحاث وتطوير الدوا عشان يخرج بصورته النهائية الفعالة،
بعد ما الدوا خلاص اتعمل والشركة أخذت الترخيص إنها تنزله الصيدليات، مفيش حد من حقه يصنع نفس الدوا غير الشركة صاحبة الاختراع، ودا لمدة معينة غالبا بتكون عشرين سنة والفترة دي اسمها patent period
خلال فترة العشرين سنة دي الشركة بقى عاوزة تعوض الفلوس اللي صرفتها في الابحاث والتجارب، وبرضوا عاوزة تكسب، وبرضوا عاوزة تاخد جزء من الربح عشان تعمل أبحاث تاني على أدوية جديدة
عشان كده الشركة "صاحبة اختراع الدوا" بتحط سعر عالي جدا جدا للدوا بتاعها
بعد ما الفترة دي ما تخلص، بيبقى من حق أي شركة إنها تنتج نفس الدوا عادي جدا، الشركات دي بقى ماتعبتش في أبحاث ولا غيره، كل اللي بتدفعه تكاليف المواد الخام وأجهزة الإنتاج بس، عشان كده ممكن تختار سعر أقل أقل بكتيير من السعر الأصلي، وأحيانا كمان بيكون أقل لدرجة إن السعر الأصلي يكون أعلى منه بثلاثين ضعف أو أكتر كمان
يعني اختلاف السعر الكبير ده مش معناه إن الرخيص فعاليته ضعيفه !!!
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء*
شرقت حشاشات النحيب وأينعت*
وشوى الأنين قلوبنا فتفطرت*خلف الجفون دموعنا الخرساء*
أكبادنا فبكاؤنا إيماء*
|