رد: التحايل "الاخوانى"!!
السلام عليكم ورحمة الله وبركاته
بصراحة التجاوزات دى بقت تزهق بجد
ايه ده
دول هيكرهوا الناس ففى المتدينين و الملتحين وكل من هو التدين واضح على مظهره
دى حاجة وحشة جدا
هو ديننا السمح الجميل قال كده مش ممكن مستحيل
دين الوسطية دين السماحة
رسولنا الحبيب اللى كان لا ينتقد احد ولا يجرحه فى وجههه بلفظ جارح
اللى كان يتعامل برفق مع المسلم و المسيحى وكمان مع جار منزله اليهودى اللى كان بيؤذيه
وعندما غاب يوما ذهب ليسأل عنه
حاجة تزهق فعلا
اصبحت اجد منهم الكثييير كاذبون
اصبح المظهر المتدين لا يمت بصلة للتدين
دول كان المفروض يكونوا واجههة حسنة و حلوة للا سلام السمح الجميل
هذا ليس من سنة النبى صلى الله عليه وسلم
ده المفروض يكون خلق و تصرف و الفاظ المسلم الملتزم الملتحى والمسلمة المنتقبة
يكون خلق جميل و سمح و سهل وعفيف اللسان
اللى انا شايفاه من الكثيييير منهم هو العكس للاسف
ده انا و الله العظيم زوجى طلب منى خلع النقاب و عدم ارتداؤه من كثرة ما رآيناه
وانا مش عاوزة اخلعه بعد ما قربت من ربنا بخطوة طاعة و لابساه بقالى 7 سنوات تقريبا
بس من كثرة التناقدات اللى زوجى شايفاها قرفنا بجد و زهقنا
الزبالات و المتسولات و الغير محترمات همه اللى بيتخفوا فى النقاب الآن
دى بقت حاجة فعلا تقرف
اصبح المظهر شئ و الجوهر شئ آخر
للا سف انا حزينة و انا بقول الكلام ده
بس دى الحقيقة
صدقت يا رسول الله حينما قلت سيأتى على امتى زمان الماسك على دينه كالماسك على جمرة من نار
كنت لا اتمنى بصراحة ان يصل الوضع لهذا الحد
ربنا يسترها على ديننا وايماننا
اللهم ثبتنا على دينك الحق يارب
اللهم زد الايمان فى قلوبنا و اكفنا شر النفاق و الرياء يارب
اللهم ارنا الحق حقا و ارزقنا اتباعه
وارنا الباطل باطلا و ارزقنا اجتنابه
يارب استرها يارب
__________________
اللهم ياجامع الناس ليوم لا ريب فيه اجمع على ضآلتى
سبحان الله وبحمده سبحان الله العظيم
|