[محمدصلاح القاضى]

مستر حواش
كل عام وانت وبخير ورمضان كريم

ما تعانيه عندك هو مشكله فى الكهربا
وهى لاتخرج عن بوجيه قاطع
سلوك بوجيهات مش قدا كداا
الكهربا مقدمه او مأخره سنه

جرب اولا انك تفك البوجيهات وتنضفهم كويس
ثانيا تاكد من توصيل جميع سلوك البوجيهات بالطريقه الصحيحه
لو انظبط الحال يبقى تمام اوووى كدا
لو فضل الوضع كما كان عليه
يبقى هتدور العربيه وتشد سلك بوجيه بوجيه بس من ورا احسن الكهربا تشدك
وتشوف البوجيه اللى قاطع فين
بمعنى ان اما سلكه بيفصل عنه مفيش تأثير يعنى العربيه لا بتبرجل اكتر ولا اما توصله تهدى

لو لقيت حاجه يبقى تغير البوجيه بواحد تانى وهتنظبط
لو كل حاجه تمام
هنخش على الخطوه الثالثه
انك تظبط كهربا الاسبراتير
بمعنى تفك مسمار الربط ومكانه اسفل الاسبراتير وراكب على الموتور وتقربيا صاموله 17
وبعدين تحرك الاسبراتير سنه قدام وسنه ورا لحد ما العربيه تهدى وتبطل برجله خالص
وبعدين دوس بنزين وشوف مدى فوقان العربيه معاك واظبط تانى مره واتنين لحد ماتوصل عند مرحله معينه من وضع الاسبراتير عنده العربيه فايقه ومش مبرجله
وتبقى انحلت المشكله
والى لقاء اخر