رد: انا شاري عربيه بجنيه ولا ب 100 الف جنيه ..شاري عربيه صيني ولا يباني ... هي دي نيسان صني
يجزيك الله كل خير ابو نورا
وربنا يديك بجد علي قد نيتك
انا رحت الصيانه وقابلنا مهندس هناك وهو المسؤل عن العربيه بتاعتي
وطلع جرب العربيه وكده
وهو كان محترم الصراحه
المهم
انا كنت راحلهم بلسته المشاكل الي كاتبها وكانت الاتي
1.الفرامل بتسيب
2.فرامل اليد بايظه
3.مع الفرامل العربيه بتحدف شمال
4.العربيه مع السرعه العاليه بتاخد شمال
5.العربيه مش عايزه تزود عن سرعه 120
6.صوت الماتور عالي جدا جدا جدا
7.العربيه بتحرق بنزين جامد جدا
8.كان في حته في جمب العربيه من الفرش الارضي ليها مقطوعه قولتلهم يعملوها
9.المرايات واحده بتفتح قبل واحده بفتره
10.الكاسيت بيعلق
11.السماعات فيها لغوشه
12.العربيه سحبها وحش جدا
13.الريموت باظ
المهم قالي هانظبطهالك
وبعدين خد العربيه ودخلت الصيانه
ورحت جمعتي ورجعت لاقيتها لسه في الصيانه دخلت مكان الصيانه انا ووالدي وقابلنا المهندس الي كان بيصلح فيها
قولتله فيها ايه
بكل عجرفه كده وقرف يبصلي من فوق لتحت كده يعني بقرف اذا يعني اساله سؤال عن عربيتي
المهم يقولي كان في شويه هوا في زيت الفرامل ودلوقتي كل حاجه تمام
طبعا مرضتشي اقل ادبي عليه وقولت خلي اليوم ده يعدي علي خير بقي
وطلعت جربت العربيه لاقيت الصوت ماذال بايظ
الفرامل بقت حلوه بس حاسسها غريبه
العربيه سحبها وحش جدا
كمان الحته المقطوعه في فرش العربيه من الارض متعملتشي
والعربيه ماذال صوتها عالي
دخلوها صيانه تاني
وقالولي كله تمام
ومن الي فات مفيش حاجه اتعدلت غير السماعات
المهم قالولي بس انت جربها كم يوم وكله هايبقي تمام ان شاء الله قولت وماله ختها وروحت
المهم النهارده رايح القصر العيني
وعلي المحور فجه مطب مختش بالي منه فدوست علي الفرامل جامد حاجه بسيطه مش قوي بس حاجه بسيطه عن الطبيعي
اتلاقيت صوت زي ايييييييييييييييييييييييي ييييييييييييييييييييييييي ييييييييييييييييييييييييي يييييييييييي
اكن الفرامل كلبشت علي بعضها
المهم قولت اعدي عليهم اقولهم مش هاستني لما الفرامل تسيب
لاقيت المهندس الي استقبلني امبارح بيقولي جيت تاني انا طهقت وبيعمل باديه
المهم طلع جرب العربيه يقولي لا ده طبيعي لا كل حاجه تمام انت بيتهيالك
اقوله من يوم ما غيرت زيت الماتور والفلتر وهي سحبها وحش وصوتها عالي
يقولي ملهاش علاقه انت دكتور وده شغل مهندسين واحنا فاهمين ده وده ملهوش علاقه
المهم كان معايا صديق وفضل يشد معاه شويه في الكلام لان طبعا حسيت بلا مبالاه منهم
المهم قاله اه النيسان كده صوتها عالي وفيها مشاكل والتوكيل معمول علشان المشاكل يتحل فيها
تظهر المشاكل في اول الف تاني الف متظهر دي مش مشكلتنا
طبعا ضايقت جدا من التعامل
وخت بعضي ومشيت علشان مش حابب اعمل مشاكل وانا هاسافر وورايا دروس ومش عايز اسوق وانا منترفز وحجزت معاد علي يوم الخميس بكره او التلات الي جي
ده مسلسل الحوار الي حصل يا جماعه
انا بس حبيت اعلمكم انا مش بشهر بالشركه
الشركه كلها عندي متهمنيش اساسا علشان اشهر بيها
واعتقد المنتدي معمول علشان نتكلم براحتنا مادام بادب
هي اه المشاكل مش كبيره لدرجه الخنقه بس الي مضايقني انها لسه جديده
فرقت ايه عن المستعمله
اديني هاوديهالهم تاني ونشوف اخرتهم ايه بقي
بس بامانه بعد المعامله بتاعت النهارده هايبقي كلامي شديد شويه
ومعلشي صدعتكم انا حابب بس احكي لاني مخنوق من الحوار كله
__________________
اشهد ان لا اله الا الله وان محمد رسول الله
|