[The_Fox_Arab]

مافيش مقارنة بين اللادا و الماروتي .. كل واحدة في فئة معينة ... يعني اللادا بتاعت شغل جامد ( حمارة شغل لا مؤاخذة ) و لكن اكبر عيب فيها هو انها عربية تقيلة في سواقتها .. الدركسيون صعب جدا و الفتيس ناشف و الدبرياج تقيل و شكلها مش ظريف .. يعني باختصار عربية مناسبة للجيش .. النساء يمتنعون ... بس تسافر بيها و تحملها مفيش مشكلة و كل الميكانيكية بيفهمو فيها و قطع غيارها مرطرطة .. و أسأل مجرب
أما الماروتي فهي عربية فئة تانية خالص بس تقريبا هي الاولى في الفئة الصغيرة .. ناعمة و اقتصادية في البنزين و سعرها كويس و تمشي كويس في الزحمة و سهل تركنها في اي مكان .. لكن مش معقول حتشغلها زي اللادا و لا حتحملها جامد .. هي عربية مناسبة اكتر للمشاوير الداخلية اللي جوة المدينة .. و اتمنى اكون افدت حضرتك