حروف القير ما تظهر في الطبلون والقير ما بيعشق
#
السلام عليكم
صارتلي مشكلة , فجأة قايم الصبح رايح للدوام
واشغل السيارة ويوم جيت بعشق من P الى D
السيارة ماهي راضية تعشق اطلاقاً
بعد كذا ناظرت في الطبلون لقيت مكان الحرف مختفي
ومو مكتوب P او اي شيء مكانه
بعدين ضغطت على الزر الصغير الي جنب القير
وتعشق القير !! لكن السيارة لما بتمشي ما بتتعدى
سرعتها 40 وبالقوة تمشي , فيها حنه ومو قادرة تمشي
بعدها طفيت السيارة ورجعت شغلتها وصار كل شيء طبيعي , الحروف رجعت للطبلون والقير صار يعشق بكل سهولة والسيارة ماشية كويس
قلت ممكن مشكلة حتجي مرة وتروح , بعدها باسبوع ونص رجعت المشكلة
والان صايرة تجي كل كم يوم , واحيانا مرتين في اليوم , سمعت كلام انه حساس قير ممكن المشكلة وسمعت كلام زيت قير محتاج زيادة بس كيف اصلا هي لسى جديدة مالها الا سنة وشوي مشتراها معقولة !!
ابغى كلامكم وخبرتكم , ماني فاضي اروح عند مكانيكي وياكل فلوسي وهو مو عارف
|