[AbOnOrA]

والله ياجماعة انا شخصياً عجبتنى العربية جداااااً سواء الهاتش باك او السيدان الاتنين واحد والصينى محستيش فيها باى اختلاف فى التقفيل او الشكل








الموتور رائع والتقفيل نظيف جدا بس الصدر فيبر سواء فى الهاتش باك او السيدان




الصالون خامتة معقولة جدا وتصميمة سهل وعملى كعادة موديلات فولكس بس الاهم ان فيه رحابة وارتياح فى القعدة بعكس الكورسا مثلا اللى تحس انك هتقوع على اللى جمبك وانت قاعد فيها





خامات الفرش كويسة برضو ومش مجرد قماش على الفيبر لاء تحس ان فيه بطانة معقولة تحت القماش
والمساحة فى الكنبة الخلفية متوسطة بس ممكن تتقفل خالص لو الكرسى اللى قدام راجع ورا اوى زى ماهو فى الصورة







الشنطة فى السيدان ممتاااااااااااازة كبيرة جدا وابعادها عدلة تخليك تحط حاجات كتييييير وبسهولة جدا






بالنسبة للشكل من ورا مش متوقع انة يبقى حلو لان ديه عربية كومبكت بس شكلها معقول او مقبول بس هيا الفوانيس اللى شكلها صينى حبتين






غير كده العربية فى رائي الشخصى ممتازة جدا واعتقد انها بقت منافس قوى لعربيات كتير منهم اليارس ولا ايه رايك يا حزوووووووم ptmnlo123per122